Jump to content

Կյանքի կոչենք «Քարվաճառի գիտամշակութայի&


Recommended Posts

by Avetiq Mejlumyan (Notes) on Thursday, May 30, 2013 at 11:41pm

Սիրելի ընկերներ, եթե համաձայն եք չակերտներում բերված տեքստի հետ, կարող եք Ձեր ստորագրությունը թողնել՝ մեկնաբանության տեսքով: Ստորագրելու համար հարկավոր է նշել անուն-ազգանուն,զբաղմունք, պաշտոն: Եթե ցանկանում եք՝ ձեր մասին այլ լրացուցիչ տեղեկություններ ևս: Առաջին ստորագրությունը ես կդնեմ առաջին մեկնաբանությամբ:

Խնդրում եմ հաշվի առնել, որ դրված ստորագրությունը վերաբերելու է ոչ միայն այս հասցեատիրոջն ուղղված նամակին, այլև՝ հնարավոր այլ հասցեատերերին հղված նույնաբովանդակ նամակներին:Պարզ ասած, ձեր ստորագրությունն ուժի մեջ է լինելու՝ այս նամակն (աննշան փոփոխություններով) այլ հնարավոր աջակիցների ուղղելու համար:

Այս նոթը տարածելու և ստորագրելու համար կարող եք հրավիրել յուրաքանչյուրին:

Եթե կարող եք նամակը թարգմանել անգլերեն և ռուսերեն, խնդրում եմ այդ մասին նշել: Թարգմանությունները մեծապես կօգնեն աջակիցների ցանցի ընդլայնմանը:

Շնորհակալություն:

«One Armenia-ի սիրելի ընկերներ,

Մի քանի ամիս է, ինչ ոգևորությամբ հետևում ենք ձեր այն նախաձեռնություններին, որ Հայաստանի համար եք իրականացնում՝ Կարոտանի մաքուր ջրի ծրագրից մինչև Մոշաթաղի մանկապարտեզի կառուցումը:

Այս նամակով ցանկանում ենք ձեր ուշադրությունը հրավիրել ոչ պակաս կարևոր ու հայրենանվեր մի նախաձեռնության վրա, որը կրկին ազատագրված հայրենիքում պետք է իրականացվի (ինչպես և Մոշաթաղի մանկապարտեզի պարագայում էր):

Այս նամակի ներքո ստորագրած բազմաթիվ անձանց համար Արցախի վերաբնակեցման գործընթացը զուգորդվում է Ալեքսանդր Քանանյանի (Ալեքսի) անվան հետ: Ալեքսին կարելիէ բնորոշել որպես մարդ-գաղափար, ով ազատագրված Քարվաճառում իր կեցությամբ և գործունեությամբ վերաբնակեցման լավագույն խորհրդանիշերից մեկն է հանդիսանում: 2001թ.-ից մշտապես հաստատվելով Արցախի Շահումյանի շրջանի կենտրոն Քարվաճառում՝ Ալեքսանդրն ակտիվ գործունեություն է ծավալել՝ վերաբնակեցման խնդիրներին նվիրված հարյուրավոր հոդվածներով հանդես գալով ինտերնետային մամուլում (հիմնականումhttp://www.artsakhtoday.com/ կայքում, նաև՝ http://vaykuneci.livejournal.com/ա...;ան հարթակում):

Ալեքսանդրի ներուժը, ցավոք, այսօր լիարժեք կիրառություն չի գտնում, քանի որ դրա համար չկան նպաստավոր պայմաններ: Տիրապետելով շուրջ 15 մեռած և կենդանի լեզուների, լինելով ինտելեկտուալ մեր ներուժ ունեցող գիտնական՝ Ալեքսանդր Քանանյանն իր կարողությունների փոքր մասն է միայն կարողանում օգտագործել վերաբնակեցման խնդիրների լուծման համար: Պատճառները բազմաթիվ են՝ Քարվաճառում գիտակրթական գործունեությամբ զբաղվելու համար անհրաժեշտ ենթակառուցվածքների ու ռեսուրսների բացակայությունից մինչև ֆինանսական միջոցների սղությունը:

Կարծում ենք, ձեր աջակցությունը մեծապես կօգնի Ալեքսի նոր նախաձեռնությունը՝ «Քարվաճառի գիտամշակութային կենտրոն»-ը կյանքի կոչելուն:

Այս կենտրոնը ձգտելու է.

- Քարվաճառի երիտասարդության համար գրաբարի, հայոց դասական երաժշտության և հայագիտական հարակից առարկաների մշտական հիմունքներով դասավանդում կազմակերպել,

- Հայաստանից և արտերկրից ժամանող հայ երիտասարդության համար հայագիտական և հայրենաճանաչողական դասընթացներ ու արշավներ իրականացնել,

- Քարվաճառում հայագիտական և հասարակագիտական գիտաժողովներ անցկացնել,

- Հայրենաճանաչության, հայրենադարձության և հայապահպանության ոլորոտներում՝ ճանաչողական հավաքներ, քայլարշավներ և կրթամշակութային ծրագրեր անցկացնել:

Կենտրոնի գործունեության համար սեփականաշնորհվել է 2040մ² ձորահայաց հողատարածք: Հիշյալ հողատարածքում կան չորս կիսավեր շինություններ, որոնցից երեքը հնարավոր է վերակառուցել առաջին իսկ փուլում:

Առաջին շինությունը ծառայելու է որպես ժամանած մասնակիցների կացարան, երկրորդը՝ հրավիրյալ մասնագետների, բանախոսների առաձնասենյակ-ննջարան, իսկ Տրտու գետի ձորապռնկին գտնվածը՝ որպես ամառային դասախոսությունների կիսաբաց դահլիճ՝ դեպի Տրտու գետն ու հանդիպակաց լանջերը բացվող զմայլելի տեսարանով:

Այս կիսավեր շինությունների լիարժեք վերականգնումը պահանջելու է էական (մինչև35-40 միլիոն դրամի) ներդրումներ և պատշաճ նախագծի պատրաստություն, ուստի դիտվում է որպես հեռահար և ոչ անմիջական նպատակակետ:

Կենտրոնի գործունեության սկզբնական փուլում թիմը ելնելու է առկա կամ հեշտորեն հասանելի հնարավորություններից:Օրինակ, սկզբնական փուլում հնարավոր է մեկ-երկու քայլարշավների, ինչպես նաև՝ Քարվաճառում ոչ բազմամարդ մեկ-երկու գիտաժողովների անցկացումը:

Կենտրոնի գրաշտեմարանի հարստացումը ենթադրում է թե՛ Հայաստանում լույս տեսնող հայագիտական գրականության փուլային ձեռքբերում, թե՛ թվայնացված գրաշտեմարանի հարստացում: Այս առումով շատ օգտակար կգտնվեն ոչ թանկ արժողությամբ համակարգիչներն ու էլեկտրոնային գրքերը, այլ համանման պարագաները:

Ներքոստորագրյալներս լիահույս ենք, որ ձեր աջակցությունը (լինի այն որևէ ինտերնետային հարթակում հանգանակության կազմակերպման կամ այլ եղանակով) ոգևորիչ խթան կդառնա այս գաղափարն իրագործելու համար:

Մենք՝ Քարվաճառի բարեկամներս, նույնպես կհամատեղենք մեր ուժերը՝ Քարվաճառը Հայոց կրթամշակութային, գիտական և ազգային նախաձեռնությունների ուրույն օջախի վերածելու գործում»:

Հ.Գ. Ալեքսանդր Քանանյանի էջն է ֆեյսբուքում՝ https://www.facebook.com/alexandr.kananyan

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...