Ներսես Շնորհալի

[Unregistered - M]

Ի. ՏԱՂ ԾՆՆԴԻ, Ի ՆԵՐՍԻՍԷ ԿԱԹՈՂԻԿՈՍէ

Տիրուհի սուրբ Կոյս, մայր մարմնացելոյ Բանին,

Մաքուր կուսութեամբ ծընար տըղայ ըզՏէրն,

Տաճար հոգեւոր թագաւորին երկնից,

Առաքեցելոյն ի հայրական ծոցոյ:

Րաբունին էից իմաստութիւնը Հաւր,

Առ քեզ խոնարհեալ շուշանափայլ հովիտ.

Րախական բայւիք երգաբանեալ գոչեմք.

-Հարսն երկնից դըշխոյ, ուրախացի՛ր բերկրեալ:

Ցընծութիւն կուսից աւետաբեր կանանց,

Բաց լուծանելով զանիծաբեր երկունս.

Ցաւղ ի Հերմոնէ վայր ի Սիոն հեղեալ,

Գեղմն իմանալի ի քեզ իջեալ Հոգւոյն:

Հինաւուրցն Աստուած մանուկ ի քէն յայտնեալ,

Մորենի վառեալ զքեզ Մովսեսի տեսեալ,

Հիւսակ հոգեւոր եաւթնարփեան շնորհաց

Ջահ վառեալ լուսով Զաքարիաս ետես:

Փունջ վարդից յեռեալ անուշահոտ հոգւով,

Խընկաբեր հովիտ, զըմուռ եւ տաշխ հալուէ,

Փառաց թագաւորն քեւ ի տաճարն եկեալ,

Սիմէոն ցընծայր քառասնաւրեայ մանկամքն:

Քառակերպ աթոռ սուրբ ծերունին գըտաւ`

Ի գիրկս իւր բարձեալ զի քերովբէս նըստեալն:

Քրիստոսի փըրկչին ընդ ծերունւոյն գոչեմք.

-Արձակեա՛ եւ զմեզ ի կապանաց մեղաց:

[Unregistered - M]

ԻԱ. ՓՈԽ

Անճառ Բանին բարձրելոյն

Երկըրպագեն քերովբէք,

Որ միշտ ընդ Հաւր եւ Հոգւոյն

Փառաբանի յանմահից:

Անճառելի խորհըրդով

Նըւաստացեալ տեսանիւր,

Կոյս կուսական ծընընդեամբ

Զկանանցն ելոյծ զդատակնիք:

Ծընաւ ծընեալն ի Հաւրէ,

Զմեզ ազատեաց յանիծից,

Կեանք ի կենաց յայտնեցաւ

Մեզ կեցուցիչ եւ փըրկիչ:

Իջավանի ի յայրին

Այն, որ անտեսն է վերնոցն,

Ի խանձարուրս պատեցաւ,

Լուսով ըզմեզ զարդարեաց:

Կաթամբ Կուսին կերակրի

Հացըն կենաց անմահից,

Մըսուր եղաւ յանբանից

Անպարագիրն ի յէից:

Հովուացն եկեալ ի տեսիլ

Փառաց լուսոյ անեղին,

Ձայնակցելով ընդ վերնոցն`

Փա՜ռք ի բարձրունս, երգէին:

Մոգքն ընծայիւք կանխէին

Ի փառս ըզմեզ փըրկողին:

Ընդ որս եւ մեք գոչեսցուք.

-Փա՜ռք ծնընդեան Քրիստոսի:

[Unregistered - M]

ԻԲ. ՏԱՂ ԾՆՆԴԵԱՆ. Ի ՆԵՐՍԻՍԷ ԿԱԹՈՂԻԿՈՍԷ

Էին միայնոյ միածին Որդին,

Ծընեալն յառաջ քան ըզկէտ ժամանակի սկըզբանց:

Սկիզբըն համայնից յանէից էից,

Պատճառ ստեղծողն անտարրից եւ տարրեղէն գոյից:

Գոյին պատկերի կորուսեալ դրամին

Իջեալ` այց առնելով ծառայական կերպիւ:

Կերպարանըն Հաւր ի կերպի եղեալ

Ադամայ` զնոյն վերաստեղծեալ վերածելով ի փառս:

Փառաց թագաւորն, որ նըստի ընդ Հաւր յաթոռ,

Ծընեալ ի Կուսէ եւ ի մըսուր բազմեալ:

Բազմի եւ ի գիրկըս դըստեր Դաւթի,

Տղայապէս կաթամբ կերակրի` որ կերակրէ զաշխարհս:

Յաշխարհի ծագաց մոգք ընծայաբերք եկին,

Աստեղբըն տեսին զանտեսական ըզլոյսն:

Լոյս փառաց ծագեաց բացաւթեայ հովուաց,

Հրեշտակք պարակցեալ մարդկան` փա՜ռք ի բարձունս երգեն:

Երգեմք ընդ նոսին եւ մեք զուարճալի ձայնիւ.

-Փա՜ռք նորածին թաքաւորիդ մեծի:

[Unregistered - M]

ԻԳ. ՓՈԽ

Նորահրաշ ծնընդեան քո, Տէ՛ր,

Ընդ մոգուցն երկըրպագեմք,

Երկնաւոր հովուիդ երգեմք

Զերգս հովուացն` փա՜ռք ի բարձունս:

Րաբունւոյդ աշակերտեալքս

Ընդ հրեշտակս այսաւր պարեմք,

Սրովբէից համաձայնեալ`

Յայտնութեամբ քո, Տէ՛ր, ցընծամք:

Երեւելոյդ ի փըրկել

Քեւ փըրկեալքըս պաղատիմք.

-Սըրբեա՛ ըզմեզ ի մեղաց

Կենարար քո սուրբ ծնընդեամբ.

Ի փա՛ռըս վերաբերեա

Աղաչաւք Աստուածածնին:

Եկեալ նորոգող փըրկչիդ

Նորոգեալս երգեմք ըզփառս:

[Unregistered - M]

ԻԴ. ՏԱՂ [ԾՆՆԴԵԱՆ], Ի ՆԵՐՍԻՍԷ ԿԱԹՈՂԻԿՈՍԷ

Սկըսեալն յանըսկիզբն ի Հաւրէ անժամանակ Որդին,

Որդին անըսկիզբն առեալ ըսկիզբն ի Կուսէն մարմնով.

Մարմնով պարագրի արկողն որպէս զաւթոց ըզլոյս,

Լոյս փառացըն Հաւր ի մըսուր խանձարրաւք պատեալ բազմի.

Բազմի եւ ի գիրկս Կուսի ի քերովբէից բարձեալն,

Բարձողըն կարեաց էից կերակրի կաթամբ Կուսին.

Կոյսըն մայր եղեալ հրաշիւք զբնութեանս ելոյծ զաւրէնս,

Աւրինաց տըւողն եմուտ ընդ աւրինաւք ծնընդեան.

Ծնընդեան արքային աստեղբն մոգքն ընծայաբերք եղեն,

Եղեն եւ հովիւք դասուց հրեղինաց համաձայնեալ:

Համաձայնելով եւ մեք երգեմք` փա՜ռք ի բարձունս.

Ի բարձանց իջեալ փըրկչիդ տացուք յաւէտ ըզփառս:

[Unregistered - M]

ԻԵ. ՓՈԽ

Տէր փառաց անճառ ծընեալն յառաջ քան զյաւիտեանս,

Նոյն ծընաւ այսաւր ի Բեթղահէմ քաղաք Դաւթի:

Րաբունն երկնային իմաստութիւնըն Հաւր եւ բան,

Յանբանից մըսուր ի խանձարուրս պատեալ դընի:

Նըստեալն ի քրովբէս յաթոռ փառացըն հինաւուրցն,

Ի գիրկըս Կուսին տըղայապէս բազմի մանուկ:

Երկնաւոր զաւրացըն թագաւոր մեծ եւ յաղթող,

Յամբ թեթեւ նըստեալ, ի յԵգիպտոս փախչի կամաւ:

Րամից համայնից ստեղծող եւ Տէր, անտես վերնոցն,

Յերկրի երեւի եւ ընդ որդւոց մարդկան շըրջի:

Սրովբէից թեւաւք պարածածկեալն ի սուրբ սըրբոցն

Խոնարհեալ հայցէ ի ծառայէն իւր մըկըրտիլ:

Եկեալ հուրն Աստուած Յորդանանու յորձանսն իջեալ,

Ջրով կիզու ըզմեղս ադամային բնութեան մարդկան:

Սարսեալ ամլորդւոյն ի կիզանող ահեղ բոցոյն,

Հրաժարէր մերձիլ ի ճառագայթն անճառ փառաց:

Ի բարձրանց Հոգին աղաւնակերպ էջ առ նըմա,

Մատամբ ցուցանէր զծածկեալ մարմնով բնութիւնն Աստուած:

Երկնից դրունք բացան, այն զոր փակեաց մեղաւք Ադամ,

Հաւր բարբառ հընչեաց.- Դա՛ իմ Որդի, դըմա՛ լուարուք:

Սուրբ Երրորդութեան երից անձանց խորհուրդ յայտնեալ,

Զոր փաաւորեմք անլըռելի ձայնիւ երգով:

Այժմ եւ հանապաղ ընդ Հաւր զՈրդի գովեմք Հոգւովն,

Միաստուածութեան տացուք ըզփառս միշտ յաւիտեան:

[Unregistered - M]

ԻԶ. ՏԱՂ ԾՆՆԴԵԱՆ, ՏԵԱՌՆ ՆԵՐՍԻՍԻ ԿԱԹՈՂԻԿՈՍԻ

Այսաւր ցընծան դասք հոգեղինացն

Ընդ փըրկութիւն հողեղինացս:

Այսաւր ցընծայ Ադամըն հին`

Նոր Ադամաւ նորոգելով:

Այսաւր ցընծայ կոյսն առաջին

Երկրորդ Կուսին ծընեալ զԱստուած:

Այսաւր իջեալ բանակք անմարմնոցն

Տան աւետիս մարմնաւորացս:

Այսաւր գոչէր հրեշտակապետն.

-Ուրախ լերուք եւ ցընծացէ՛ք,

Դասք երջանիկ ընտրեալ հովուացն.

Ծընաւ այսաւր ձեզ փըրկութիւն`

Տէր եւ աւծեալ Հաւր միածին

Ի Բեթղահէմ քաղաք Դաւթի:

Փութացարուք յայրն երկանման

Ի տեսանել զհովիւըն քաջ,

Որ ի լընուլ զթիւ հարիւրոց

Իջեալ ի գիւտ մոլորելոցս,

Երգեմք նըմա` փա՜ռք ի բարձունս:

***

ՓՈԽ

Այսաւր ցընծայ տունն աբրահամեան

Աւետաբեր Որդւոյն ծնընդեամբ:

Այսաւր ցընծան դասք նահապետացն

Լըրմամբ ուխտին թըլփատութեան:

Այսաւր ցընծայ Մովսէս աւրինաւքն`

Տեսանելով զլրումն աւրինաց:

Այսաւր ցընծան հոյլք մարգարէիցն`

Տեսեալ ըզմարգարէացեալն:

Այսաւր փողէ դաւթեան քընարն.

-Գըտանք ըզնա տուն յԵփրաթայ:

Այսաւր գոչէ մեծն Եսայիաս.

-Ընդ մեզ Աստուած Կոյսըն ծընաւ:

Այսաւր հընչէ յայրն Միքիաս.

-Ծընցի իշխան ի Բեթղահէմ:

Այսաւր խայտայ ձայն բարբառոյն`

Որպէս երբեմն յորովայնին,

Այսաւր ցընծայ մեծ Կարապետն`

ԶԱստուած եկեալ տեսանելով:

Այսաւր գոչէ յանապատէ.

-Ձեզ աւետի՜ք, որք յԱդամայ.

Տէր գայ, հըզաւրըն զաւրութիւն,

Մերձ է երկնից արքայութիւն,

Պատրաստեցէք յոգիս շաւիղ:

Թագաւորին երկնաւորի

Լերինք եւ բլուրք խոնարհեցան,

Խորք անդընդոց բարձրեալ լըցցին,

Իսկ դու ցընծա՜, գետ Յորդանան,

Զի զարհուրեալ անդրէն դառնաս,

Ագահ փութա՛ այսրէն ի նոյն,

Ծափ ըզծափի հարցես ձեռամբ,

Յորդ վըտակաւք խաղա՛ զըւարթ,

Ել ընդառաձ ալեաւք խորոց,

Երկըրպագեա՛ արարողին.

Գայ մըկըրտիլ հուրն Աստըւած`

Լըւանալով զմեղս Ադամայ,

Ջախէ ի քեզ զգլուխ վիշապին:

***

ՓՈԽ

Այսաւր անմեղըն մըկըրտի,

Զի զմեղուցեալքըս սըրբեսցէ:

Այսաւր ստեղծողըն ձեռնադրի

Խոնարհութեամբ յարարածոյն:

Այսաւր Հոգին աղաւնակերպ

Էջ` վըկայեալ իւր էակիցն:

Այսաւր փակեալ դըրունք բացան,

Եւ հինաւուրցն Աստուած յայտնեալ:

Այսաւր հընչեաց Հայր ի բարձանց.

-Դա՛ է Որդի իմ սիրելի,

Բան եւ ծընունդ եւ ճառագայթ,

Լոյս ի լուսոյ, կեանք ի կենաց,

Իմաստութիւն եւ զաւրութիւն,

Սկիզբն սկըզբանց անժամանակ,

Արարչակից եւ գոյակից,

Միով բնութեամբ` ոչ բաժանեալ,

Իջեալ յինէն` ոչ հեռացեալ,

Մարմին առեալ` ոչ փոփոխեալ:

Դըմա՜ լուարուք, որդիք մարդկան,

Դա` ճանապարհ ճըշմարտութեան,

Ելէ՛ք ընդ նոյն առ իս յերկինս:

***

ՓՈԽ

Այսաւր Հոգւովն էլ յանապատ

Տէրըն` փորձիլ ի փորձողէն,

Այսաւր երկրորդ Ադամ պահեալ

Պարտեաց զյաղթող հնոյն Ադամայ:

Այսաւր պահաւք քառասնաւրեայ

Կանգնեաց զանկեալըն ճաշակմամբ:

Այսաւր ցընծամք որդիք մանկան,

ԶԻ ետ կողան զաւձն առաջին:

Այսաւր տաւնեմք ուրախութեամբ

Զաւր աւետեաց ազատութեան:

Այսաւր եկայք, հաւատացեալք,

Տացուք փըրկչին զփառս յաւիտեան.

[Шалапунька]

Առաւօտ լուսօյ

Առաւօ՜տ լուսօյ`

Արեգա՜կն ադար,

Առ իս լոյս ծագեա:

Բխո՜ւմն ի Հօրէ,

Բղխեա՜ ի հոգւոյս

Բան քեզ ի հաճոյս:

Գա՜նձդ ողորմութեան,

Գանձիդ ծածկելոյ

Գտող զիս արա:

Դո՜ւռն ողորմութեան

Դաւանողիս բաց,

Դասեցո վերնոցն:

Երրեակ միութի՜ւն,

Եղելոց խնամո՜ղ,

Եւ ի՜նձ ողորմեա:

Զարթի՜ր Տէր` յօգնել,

Զարթո՜ զթմրեալս`

Զուարթնոց նմանիլ:

Է՜դ Հայր անսկիզբն,

Էակի՜ց Որդի,

Է՜ միշտ Սուրբ Հոգի:

Ընկա՜լ զիս, գթա՜ծ,

Ընկա՜լ, ողորմա՜ծ,

Ընկա՜լ, մարդասէ՜ր:

Թագաւո՜ր փառած,

Թողութեանց տուող,

Թո՜ղ ինձ զյանցանս:

Ժողովո՜ղ բարեաց,

Ժողովեա՜ և զիս

Ժողովս անդրանակաց:

Ի քէն, Տէ՜ր, հայցեմ,

Ի մարդասիրէդ`

Ինձ բժշկութիուն:

Լե՜ր կեանք մեռելոյս,

Լո՜յս` խաւարելոյս,

Լուծանո՜ղ ցաւոյս:

Խորհրդո՜ց գիտող,

Խաւարիս շնորհեա

Խորհուրդ լուսաւոր:

Ծնու՜նդ Հօր ծոցոյ,

Ծածկելոյս ստուերա

Ծագեա զլոյս փառաց:

Կենարա՜ր Փրկիչ,

Կեցո՜ զմեռեալս,

Կանգնեա՜ զգլորեալս:

Հաստեա՜ հաւատով,

Հաստատեա՜ յուսով,

Հիմնեցո՜ սիռով:

Ձայնիւս աղաչեմ,

Ձեռօքս պաղատիմ,

Ձիր բարեաց շնոռհեա:

Ղամբարամբ լուսոյ,

Ղեկավար ճարտար,

Ղօղեալս ամրացրո:

Ճառագա՜յթ փառաց,

Ճանապարհ ինձ ցոյց`

Ճեպել ի յերկինս:

Միածինիդ Հօր

Մո՜յծ զիս յառագաստ,

Մաքուր հարսանեացդ:

յՈրժամ գաս փառօք

յԱհագին աւուրն

Յիշեա զիս Քրիստո՜ս:

Նորոգո՜ղ հնութեանց,

Նորոգեա և զի՜ս,

Նորոգող զարդարեա:

Շնորհատու՜ բարերաց,

Շնորհեա զքաւութիւն,

Շնորհեա զթողութիւն:

Ուրախացո՜, Տէ՜ր,

Ոգւոյս փրկութեամբ,

Ոյր վասն եմ ի սուգ:

Չար մշակողին,

Չար սերմանց նորին

Չորացրո՜ զպտուղ:

Պարգևի՜՜չ բարեաց,

Պառգևեա իմոց

Պարտեացս թողութիւն:

Ջուր շնորհեա աչացս`,

Ջերմ հեղուլ արտօսր,

Ջնջել զյանցանս:

Ռետի՜նդ քաղցրու,

Ռամ հոգւոյս սրբո,

Ռահ ցոյց ինձ լուսոյ:

Սէր անուն Յիսուս,

Սիրով քո ճմլեա՜

Սիրտ իմ քարեղեն:

Վասն գթութեանդ,

Վասն ողորմութեանդ,

Վերստի՜ն կեցո:

Տենչալւոյդ տեսլեամբ

Տուր ինձ յագենալ,

Տէ՜ր Հիսուս Քրիստոս:

Րաբո՜ւնդ երկնաւոր,

Րոտեա՜ զաշակերտս

Րամից երկնայնոց:

Ցօղ արեան Քո Տէ՜ր,

Ցօղեա՜ ի հոգիս,

Ցնծասցէ անձն իմ:

Իիւծեալս մեղօք,

Իիւծեալ` աղաչեմ,

Իիւսեա՜ յիս բարիս:

Փրկիչ բոլորից,

Փութա զիս փրկել,

Փորձութեանց մեղաց:

Քաւիչ յանցանաց,

Քաւեա՜ զօրհնաբանս,

Քեզ երգել զփառս:

[Шалапунька]

Յիշեսցուք

Յիշեսցուք ի գիշերի

զԱնուն Քո, Տէր:

Բղխեսցեն սիրտք մեր զբան բարի

Եւ լեզուք մեր պատմեսցեն

զԳործս երկնաւոր թագաւորիդ:

Ի գիշերի յարուցեալ

Խոստովանեսցուք զքեզ, Տէ՜ր:

զԱղօթս մեր տացուք Քեզ, Տէ՜ր,

Ի գաւիթս քո

Ի մէջ նոր Երուսավէմի:

Ի գիշերի համբարձցուք

զՁեռս մեր սրբութեամբ առ Քեզ, Տէ՜ր:

Ի ձայն գոհութեան

Ամենայն հոգիք օրհնեցե՜ք զՏէ՜ր:

[Шалапунька]

Զարթիք

Զարթի՜ք, փա՜ռք իմ, զարթի՜ք,

Եւ ես զարթեայց առաւօտուց. ալէլուիա:

Զարթի՜ք ընդ զուարթունս,

Մանկունք վերինն Սիոնի. ալէլուիա:

Զարթի՜ք, որդի՜ք լուսոյ,

Ի յօրհնութիւն Հօրն լուսօյ. ալէլուիա:

Զարթի՜ք փրկեա՜լք արեամբ,

Եւ տու՜ք զփառս փրկոզին. ալէլուիա:

Զարթի՜ք, ներ ժողովո՜ւրդք,

Նոր երգս առեալ նորոգողին. ալէլուիա:

Զարթի՜ք, հարսունք, հոգւով

Սպասեալ գալոյ Սուրբ Փեսային. ալէլուիա:

Զարթի՜ք, վառեալք լուսով,

Ըստ իմաստուն սուրբ կուսանանց. ալէլուիա:

Զարթի՜ք, պատրաստեցե՜ք իւղ լապտերաց

զՋերմ արտասուս. ալելուիա:

Զարթի՜ք և մ՜ի ննջեք`

Նման յիմար կուսից նիրհեք. ալելուիա:

Զարթի՜ք, երկի՜ր պագցուք,

Եւ արտասուօք զայս ասասցուք. ալելուիա:

[Шалапунька]

Աշխարհ ամենայն

Աշխարհ ամենայն`

Առ իս նայեցեալ

Ախտակից լերուք:

Բանամ զշրթունս,

Բարբառիմ լեզուաւս,

Բողոքեմ զանձէնս:

Գող եղէ մեղաց,

Գտող կորստեան,

Գուբ ինձ փորեցի:

Դաւեցի զանձն իմ,

Դաւաճանեցի,

Դարան գործեցի:

Երբեմն էի լօյս,

Եւ այժմ խաւար

Եւ ստուեր մահու:

Զիարդ պատմեցից

զԹիւ մեղաց իմոց,

Զի բազում եմ յոյժ:

Էրկինք և երկիր`

Եկայք ողբացէք

Եղկելի զանձն իմ:

Ընտրեցի զչարն,

Ընակալյ կամաւ

Ըզհոյլս մեղաց:

Թաթաւիմ տղմով,

Թաւալիմ ի մեղս,

Թոթափիլ չկարեմ:

Ժանտ ախտիւ լցեալ,

Ժահահոտ եղէ

Ժամանակս բազումս:

Ի բաց մեկնեցայ

Ի սուրբ խորհրդոց,

Ի բարեաց գործոց:

Լաւ վարկաւ անձն իմ

Լուսոյն հոռանալ,

Լինիլ ընդ խաւար:

Խորհուրդք չարին

Խաբեն զհոգիս,

Խորասոյզ առնեն:

Ծածկեն անդնդօք,

Ծիծաղին գլորմամբս,

Ծանակ զիս առնեն:

Կամաւ կորացայ,

Կարկամեալ անձամբ,

Կանգնիլ ոչ կարեմ:

Հո՜ւր մեղաց կիզող,

Հրդեհեաց որ զիյս

Հոգևոր բարիս:

Ձաղակեցայ մեղօք,

Ձաղեցին տեսողքին.

Ձանձրացաւ հոգիս:

Ղեղի դառնութեան

Ղօղեալ է սիրտ իմ,

Ղամպար իմ շիջաւ:

Ճաշակմամբ մեղաց

Ճաշեցի զմահ.

Ճոխս աղքատացայ:

Մեռեալ եմ հոգովս,

Մոլորեալ`մտօքս,

Միայն կամ մարմովս:

Յորոգայթ մահու

Յորսողին անկայ.

Յաղթեցայ յախտից:

Նետից թշնամւոյն

Նշաւակ եղէ,

Նո՜ր միշտ խոցոտիմ:

Շուրջ պատեալ զինև

Շունք բազում եղեն.

Շաղախին արեամբս:

Որս եղէ չարին,

Ուռկանաւ մեղաց

Որսացաւ անձն իմ:

Չարչարար վշտօք

Չարչարի անձն իմ.

Չունիմ դադարումն:

Պարտապան գտայ

Պարտուց յանցանանց,

Պարտեալս ի մեղաց:

Ռաբբի կոչեցայ,

Ռակայ անուանիմ

Ռամկական վարուքս:

Սիրով ցանկութեան,

Սաստիկ բարկութեամբ

Սիրտ իմ խոցալ է:

Վիրօք յանցանանց

Վշտանայ հոգիս.

Վարանեալ շրջիմ:

Տիրեցին ինձ չարք,

Տարագիր հանին

Տիրական գրկացն:

Րաբունւոյն բարւոյ

Րախճական ձայնին

Րոտինս ո՜չ լուայ:

Ցանկութիւն չարեաց

Ցանկալի դիմօք

Ցաւեցոյց զաչս իմ:

Իիւրաքանչիւրոց

Իիւսմամբ խուռն ախտից

Իիւծեալ է հօգիս:

Փութացի՜ր, ա՜նձն իմ,

Փախչի՜լ չարեաց,

Փափագիլ բարեաց:

Քեզ միշտ մերձ ծանրիր

Քուն մահու եկեալ

Քննող դատաւորին:

[Шалапунька]

Նայեաց սիրով

Նայեաց սիրով, Հայրդ գթած,

Ի քո ստեղծեալ գործս ձեռաց.

Եւ զբանակս հրեշտակաց

Տուր պահապան մեզ տկարացս,

Փրկեա զանձինս ի փորձանաց,

Ի խաւարի շրջող դիւաց.

Զի ի տուընջեան և գիշերի

Տացուք քեզ փառս անլռելի:

Էին անեղ, անսկզբան`

Ծնունդ անճառ Որդի և Բան.

Որ արարեր զտիւ գործոյ

Եւ զգիշեր ի հանգիստ քնոյ.

Տուր ի ննջել` աչաց մարմնոյ,

Արթուն լինել մեզ ըստ հոգւոյ.

Զի ի տուընջեան և գիշերի

Տացուք քեզ փառս անլռելի:

Րաբուն հոգւոց բանաւորաց,

Աղբիւր լուսոյ, բաշխող շնորհաց.

Ի փակիլ դրանց բնութեանց մարմնոց,

Լոյս տուր աչաց սրտից մերոց.

Ի գիշերաց առ քեզ կանխել,

Ընդ հրեղինացն օրհնաբանել.

Զի ի տուընջեան և գիշերի

Տացուք քեզ փառս անլռելի:

Սուրբդ սրբոց Երրորդութիւն,

ԶՄեզ մաքրեա քեզ բնակութիւն.

Շնորհեա ընդ մանկանցն առագաստի

Հանգչիլ ընդ քեզ ի յանկողնի.

Տուր զհայցուած բարեկամին

զՓոխ երից նկանակին.

Զի ի տուընջեան և գիշերի

Տացուք քեզ փառս անլռելի:

Երևելի լոյս ստեղծեր,

զՏիւ և զգիշեր բաժանեցեր.

Ծագեա մեզ. Տէ՜ր, ի գիշերի

զճառագայթս իմանալի.

Տուր յամենայն ժամանակի

զՊահպանող աջ քո հովանի.

Զի ի տուընջեան և գիշերի

Տացուք քեզ փառս անլռելի:

Սիրոյ քո հուր արկեալ յերկիր`

Բորբոքեսցի ի հոգիս մեր.

զԽորհուրդ սրտից մեր մաքրեսցէ`

զԼոյս գտութեան քո փայլեսցէ.

Ի քնոյ մահու զմեզ զարթուսցէ,

զՄիտս բոցով քռ վառեսցէ.

Զի ի տուընջեան և գիշերի

Տացուք քեզ փառս անլռելի:

Ի քեզ նաիմք, լոյսդ անմատոյց,

Ի զգայական ծածկեալ լուսոյ.

Որ վասն մեր եդար ի գբի

Եւ ննջեցեր ի տապանի.

Առ մեզ ննջեա արթուն բնութիւն,

Հերքեա զչարին ներգործութիւն.

Զի ի տուընջեան և գիշերի

Տացուք քեզ փառս անլռելի:

Էիդ լուսոյ անստուերի

Պաղատանօք կամք առաջի.

Որ փակեալ դրամբք յերեկօյին

Երևեցար մետասանին.

Ընդ Թովմայի առ քեզ կոչեմք,

Տ`ր և Աստուած, զքեզ դաւանեմք.

Է՜ջ և առ մեզ յերեկոյիս,

Եւ տուր զողջոյն քո ի հոգիս:

Րամեալքս զքեզ, Տէր, աղաչեմք,

Մեզ յօգնութիւն նայեա, հայցեմք.

Պահապանդ Իսրայէլի,

Անձանց մերոց լեր հովանի.

Օթեա առ մեզ, խաղաղարար,

Եւ ննջեսցուք անխռովաբար.

Զի ընդ առաւօտս կանխեսցուք,

Օրհել զքեզ`ընդ Հօր հոգւով:

Գոչման փողոյն Գաբրիէլի,

Որ ի վերջնումն գիշերի,

Լսել արա զմեզ արժանի,

Եւ յաջակողմն օդեաց դասի`

Անշէջ վառեալ զլոյս լապտերաց,

Ըստ իմաստուն հինգ կուսանաց.

Զի ընդ փեսայիդ ի յառագաստ`

Հարսունք հուով մտցուք ի փառս:

[Шалапунька]

Ղեվոնդեաց

Արիացեալք առ հակառակսն`

Քաջութեամբ առնուլ զվրեժ խաբէութեան.

Հանճարեղք ի հատուցումն դաւանանցն,

զԱմբարշտանցն արդարադատ չափմամբ,

Զօրականք յաղթոք` պսակեալք ի Քրիստոսէ:

Փոխանկեալ զունայնութիւնս

Ընդ ճշմարիտ յուսոյ անմահութեանն.

Փափագանաց ձերոց առիք զկատարումն`

Մաքրիլ արեանբ յաղթող` մեղաց տղմոյ.

Զօրականք յաղթողք` պսակեալք ի Քրիստոսէ:

Հայցեցէք զխաղաղութիւն`

Ճշմարիտ վկայք Երրորդութեանն,

Նեղելոցս յանօրինաց բռնութենէ,

Զի ցնծասցուք յաղթանակաւ մարտի ձերոյ,

Նահատակք արգոյք`պսակեալք ի Քրիստոսէ:

[Шалапунька]

Նորահրաշ պսակաւոր

Նորահրաշ պսակաւոր և զօրագլուխ առաքինեաց,

Վառեցար զինու հոգւոյն արիաբար ընդդեմ մահու,

Վարդան, քաջ նահատակ, որ վանեցեր զթշնամին,

Վրդագոյն արեամբդ քո պսակեցեր զեկեղեցի:

Երկնաւոր թագաւորին զինու յաղթեալ պատերազմին,

Խոհական իմաստութեամբ, խոհեմացեալ անճառապէս,

Խորէն խորհրդական և ծանուցեալ անուն բարի,

Խաչելոյն վկայ եղեալ հեղմամբ արեան պսակեցու:

Րենական լուսով լցեալ արիացեալն քաջն Արտակ,

Թաթաւեալ ի կարմրութիւն բոսորային բղխեալ աղբրեն,

զՓրկականն ըմպեալ զբաժակ և մկրտեալ արեամբ իւրով,

Դասակեցեալ Ընդ անմարմնոցն Երրերդութեանն երգել զփառս:

Սրբափայլ զգեստուք պճնեալ ի յերկնաւոր հանդիսադրէն,

Երրորդութեամբն զօրացեալ վանալ զամուրս բանսարկուին,

Հմայակ Հօր ընծայալ Որդւոյ գոլով չարչարակից,

Հոգովն յաղրեալ պատերազմին և չարասէր թագաւորին:

Էական բարւոյն դիտմամբ ընդդէմ մեղացն վառեցաւ,

Տարագնաց ելիւք յերկինս պարակցեալ ընդ անմարմնոցն,

Տաճատ զարմանալի տաճար եղեալ Երրորդութեանն,

Տէրունական սուրբ ղորհրդոյն տուն և տեղի արժանացեալ:

Ստացեալ զհաւատոյ վահան յուսոյն զրահիւք ծածկեալ,

զՓրկականն սաղաւարտ ի գլուխ եդեալ նշան խաչին,

Վահան վեհ երևալ, որ մանկութեամբ նահատակալ,

Խաչելոյն վկայ եղեալ պսակեցաւ արեամբն իւրով:

Ի հոտ անուշ որջակիզեալ մատոիցանէր զինքն նուէր,

Բանաւոր պատարագաւ, ընծայելով Հօր ի հերկինս,

յԱրսէնն ցանկալի արդարութեամբ ճոխացեալ,

Իմաստութեամբ պայծաոացեալ եօթնարփեան շնորհաց Հոգւոյն:

Երկոքումբք հարազատօք` ընտրելագոյն նահատակօք,

Առաջեալ յամենենցուց գլուխ և աւարտ մարտիրոսաց,

Նախաշաւիղ գոլով բարեաց, յառաջադէմն Գարեգին,

Ընկալեալ զբրաբիոնն յաղթանակ նահատակացն:

Րամկական խումբ հազարաց և երեսնից թիւ ընդ վեցից,

Որք ընդ նոսին նահատակեալք արիաբար պատերազմաւ/

Եւ հեղին զրիւնս իւրեանց ի նորոգումն եկեղեցւօյ.

Ընդ նոսին պսակելով ի յերկնաւոր հանդիսադրէն:

Գոհութեամբ փառատրութիւն Երրորդութեանդ նուագեմք,

Բազմութեամբ պսակելոցս զմեօք մածեալ առաքինեացս,

Եկեղեցիք Հայաստանեայց պայծառապէս զարդարեցան,

Ունելով միշտ բարեխօս զճգնութիւն մարտի սոցա:

[Шалапунька]

Ի Սուրբն կոյսն Հռիփսիմէ

Հանճարեղ շնորհալիդ ընտրեալ է,

յԱրքայից հզօրաց զարմէ է,

Մեզ պարգև ի տանէն Լատինէ,

Հրեշտակ հրաշագեղ Հռիփսիմէ:

Ռահահորդ ուղևոր երկնընթաց,

Օրինաց երկնայնոյն խորազգաց.

Ուրացեալ զանձն և զփառս հայրենեաց,

Հրեշտակ հրաշագեղ Հռիփսիմէ:

Իմաստուն սուրբ կուսան գերյարգոյ,

Հրով Բանին ի յերկիր արկելոյ

Վառեցեր զլապտեր հաւատոյ,

Հրեշտակ հրաշագեղ Հռիփսիմէ:

Փեսային Քրիստոսի մարմնացեալ,

Անապակ կուսութեամբ հարսնացեալ,

յԱռագաստ անմատոյց բազմեցեալ,

Հրեշտակ հրաշագեղ Հռիփսիմէ:

Սիրասնունդ սիրամարգ սխրալի,

Նրբափայլ ոսկէթել տարփալի,

Եռապսակ իւղագլուխ ցանկալի,

Հրեշտակ հրաշագեղ Հռիփսիմէ:

Իսկաճեմ աղաւնի օդապար,

Նոր Նոյեան տապանն է քոյդ արդար,

Օձասպան արագիլ դու արդար,

Հրեշտակ հրաշագեղ Հռիփսիմէ:

Մտաւոր մարտիրոս մրցական,

Էական Բանին Հօր զօրութեան,

Լիակոխ քաջութեամբ զհնձան,

Հրեշտակ հրաշագեղ Հռիփսիմէ:

Է գունեղ թաթաւեալ ի բոսոր,

Սաղարթուն, կարմրորակ իբր խնձոր,

Հարսն ազնիւ դու արեամբ քօղաւոր,

Հրեշտակ հրաշագեղ Հռիփսիմէ:

[Шалапунька]

ՀԱՎԱՏՈՎ ԽՈՍՏՈՎԱՆԻՄ

ԱՂՕԹՔ ՊԻՏԱՆԻՔ ԻԻՐԱՔԱՆՉԻԻՐ ԱՆՁԻՆ ՀԱՎԱՏԱՑԵԼՈՑ Ի ՔՐԻՍՏՈՍ

ԱՐԱՐԵԱԼ ՍՐԲՈՅՆ ՆԵՐՍԵՍԻ ՇՆՈՐՀԱԼԻՈՅ ՀԱՅՈՑ ԿԱԹՈՂԻԿՈՍԻ

I

Հավատով խոստովանիմ եւ երկիր պագանեմ քեզ,

Հայր եւ Որդի եւ սուրբ Հոգի,

Անեղ եւ անմահ բնութիւն,

Արարիչ հրեշտակաց եւ մարդկան եւ ամենայն եղելոց,

Եւ ողորմեա քո արարածոց եւ ինձ՝ բազմամեղիս:

II

Հավատով խոստովանիմ եւ երկիր պագանեմ քեզ,

Անբաժանելի լոյս՝ միասնական սուրբ Երրորդություն եւ մի Աստվածութիւն՝

Արարիչ լուսոյ եւ հալածիչ խաւարի,

Հալածեա ի հոգւոյ իմմէ զխաւար մեղաց եւ անգիտութեան,

Եւ լուսաւորեա զմիտս իմ ի ժամուս յայսմիկ՝

Աղօթել քեզ ի հաճոյս

Եւ ընդունիլ ի քէն զխնդրուածս իմ,

Եւ ողորմեա քո արարածոց եւ ինձ՝ բազմամեղիս:

III

Հայր երկնաւոր Աստուած ճշմարիտ,

Որ առաքեցեր զՈրդիդ քո սիրելի ի խնդիր մոլորեալ ոչխարին,

Մեղայ յերկինս եւ առաջի քո,

Ընկալ զիս որպես զանառակ որդին,

Եւ զգեցո ինձ պատմուճանն առաջին,

Զոր մերկացայ մեղօք,

Եւ ողորմեա քո արարածոց եւ ինձ՝ բազմամեղիս:

IV

Որդի Աստուծոյ` Աստուած ճշմարիտ,

Որ խոնարհեցար ի հայրական ծոցոյ

Եւ առեր մարմին ի սրբոյ կուսէն Մարիամայ վասն մերոյ փրկության,

Խաչեցար, թաղեցար եւ յարեար ի մեռելոց,

Եւ համբարձար փառօք առ Հայր,

Մեղայ յերկինս եւ առաջի քո,

Հիշեա զիս որպես զավազակն,

Յորժամ գաս արքայութեամբ քով,

Եւ ողորմեա քո արարածոց եւ ինձ՝ բազմամեղիս:

V

Հոգի Աստուծոյ, Աստուած ճշմարիտ,

Որ իջեր ի Յորդանան եւ ի վերնատունն

Եւ լուսաւորեցեր զիս մկրտութեամբ սուրբ աւազանին,

Մեղայ յերկինս եւ առաջի քո,

Մաքրեա զիս վերստին աստուածային հրով քով,

Որպէս հրեղէն լեզուօք զառաքեալսն,

Եւ ողորմեա քո արարածոց եւ ինձ՝ բազմամեղիս:

VI

Անեղ բնութիւն, մեղայ քեզ մտօք իմովք,

Հոգւով եւ մարմնով իմով,

Մի յիշեր զմեղս իմ զառաջինս

Վասն անուանդ քում սրբոյ,

Եւ ողորմեա քո արարածոց եւ ինձ՝ բազմամեղիս:

VII

Տեսո'ղ ամէնայնի,

Մեղայ քեզ խորհրդով, բանիւ եւ գործով,

Ջնջեա' ձեռագիր յանցանաց իմոց

Եւ գրեա զանուն իմ ի դպրութեան կենաց,

Եւ ողորմեա քո արարածոց եւ ինձ՝ բազմամեղիս:

VIII

Քննող գաղտնեաց,

Մեղայ քեզ կամայ եւ ակամայ,

Գիտութեամբ եւ անգիտութեամբ,

Թողութիւն շնորհեա մեղաւորիս,

Զի ի ծննդենէ սուրբ ավազանին մինչև ցայսօր

Մեղուցեալ եմ առաջի աստուածութեանդ քո՝

Զգայարանոք իմովք եւ ամենայն անդամօք մարմնոյս,

Եւ ողորմեա քո արարածոց եւ ինձ՝ բազմամեղիս:

IX

Ամենախնամ Տեր,

Դի'ր պահապան աչաց իմոց զերկիւղ քո սուրբ՝

Ո՛չ եւս նայիլ յարատ,

Եւ ականջաց իմոց՝ ո՛չ ախորժել լսել զբանս չարութեան,

Եւ բերանոյ իմոյ՝ ո՛չ խոսիլ զստութիւն,

Եւ սրտի իմոյ՝ ո՛չ խորհիլ զչարութիւն,

Եւ ձեռաց իմոց՝ ո՛չ գործել զանիրավութիւն,

Եւ ոտից իմոց՝ ո՛չ գնալ ի ճանապարհս անօրենութեան,

Այլ ուղղեա զշարժումն սոցա՝

Լինիլ ըստ պատուիրանաց քոց յամենայնի,

Եւ ողորմեա քո արարածոց եւ ինձ՝ բազմամեղիս:

X

Հուր կենդանի Քրիստոս,

Զհուր սիրոյ քո, զոր արկեր յերկիր, բորբոքեա յանձն իմ,

Զի այրեսցէ զախտ հոգւոյ իմոյ,

Եւ սրբեսցէ զխիղճ մտաց իմոց,

Եւ մաքրեսցէ զմեղս մարմնոյ իմոյ,

Եւ վառեսցէ զլոյս գիտութեան քո ի սրտի իմում,

Եւ ողորմեա քո արարածոց եւ ինձ՝ բազմամեղիս:

XI

Իմաստութիւն Հօր Յիսուս,

Տուր ինձ զիմաստութիւն

Զբարիս խորհել եւ խոսել եւ գործել առաջի քո յամենայն ժամ,

Ի չար խորհրդոց, ի բանից եւ ի գործոց փրկեա զիս,

Եւ ողորմեա քո արարածոց եւ ինձ՝ բազմամեղիս:

XII

Կամեցող բարեաց, Տեր կամարար,

Մի թողուր զիս ի կամս անձին իմոյ գնալ,

Այլ առաջնորդեա ինձ

Լինիլ միշտ ըստ կամաց քոց բարեսիրաց,

Եւ ողորմեա քո արարածոց եւ ինձ՝ բազմամեղիս:

XIII

Արքա երկնավոր,

Տուր ինձ զարքայություն քո, զոր խոստացար սիրելեաց քոց,

Եւ զօրացո զսիրտ իմ ատել զմեղս

Եւ սիրել զքեզ միայն եւ առնել զկամս քո,

Եւ ողորմեա քո արարածոց եւ ինձ՝ բազմամեղիս:

XIV

Խնամող արարածոց,

Պահեա նշանաւ խաչի քո զհոգի եւ զմարմին իմ,

Ի պատրանաց մեղաց, ի փորձութեանց դիւաց,

Եւ ի մարդոց անիրաւաց,

Եւ յամենայն վտանգից՝ հոգւոյ եւ մարմնոյ,

Եւ ողորմեա քո արարածոց եւ ինձ՝ բազմամեղիս:

XV

Պահապան ամենայնի Քրիստոս,

Աջ Քո հովանի լիցի ի վերայ իմ, ի տուէ եւ ի գիշերի,

Ի նստիլ ի տան, ի գնալ ի ճանապարհ, ի ննջել եւ ի յառնել,

Զի մի երբեք սասանեցայց,

Եւ ողորմեա Քո արարածոց եւ ինձ՝ բազմամեղիս:

XVI

Աստուած իմ, որ բանաս զձեռն Քո,

Եւ լնուս զամենայն արարածս ողորմութեամբ Քով,

Քեզ յանձն առնեմ զանձն իմ,

Դո'ւ հոգա եւ պատրաստեա զպէտս հոգւոյ եւ մարմնոյ իմոյ

Յայսմհետէ մինչև յաւիտեան,

Եւ ողորմեա Քո արարածոց եւ ինձ՝ բազմամեղիս:

XVII

Դարձուցի'չ մոլորելոց,

Դարձո զիս ի չար սովորութեանց իմոց ի բարի սովորութիւն,

Եւ բեւեռեա ի հոգի իմ զսոսկալի օր մահուան,

Եւ զերկիւղ գեհենոյն եւ զսէր արքայութեանն,

Զի զղջացայց ի մեղաց եւ գործեցից զարդարութիւն,

Եւ ողորմեա Քո արարածոց եւ ինձ՝ բազմամեղիս:

XVIII

Աղբիւր անմահութեան,

Աղբերացո ի սրտէ իմմէ զարտասուսս ապաշխարութեանն որպէս պոռնկին,

զի լուացից զմեղս անձին իմոյ յառաջ քան զելանելն իմ աշխարհէս,

Եւ ողորմեա Քո արարածոց եւ ինձ՝ բազմամեղիս:

XIX

Պարգեւիչ ողորմութեան,

Պարգեւեա ինձ ուղղափառ հավատով եւ բարի գործով,

Եւ սուրբ մարմնոյ եւ արեան Քո հաղորդութեամբ գալ առ Քեզ,

Եւ ողորմեա Քո արարածոց եւ ինձ՝ բազմամեղիս:

XX

Բարերար Տեր,

Հրեշտակի բարվոյ յանձն արասցես զիս՝

Քաղցրութեամբ աւանդել զհոգի իմ

Եւ անխռով անցուցանել ընդ չարութիւն այսոցն,

Որք են ի ներքոյ երկնից,

Եւ ողորմեա Քո արարածոց եւ ինձ՝ բազմամեղիս:

XXI

Լոյս ճշմարիտ Քրիստոս,

Արժանաւորեա զհոգի իմ ուրախութեամբ տեսանել

Զլոյս փառաց քոց ի կոչման աւուրն,

Եւ հանգչիլ յուսով բարեաց յօթևանս արդարոց,

Մինչեւ յօր մեծի գալստեանն Քո,

Եւ ողորմեա Քո արարածոց եւ ինձ՝ բազմամեղիս:

XXII

Դատաւոր արդար,

Հօրժամ գաս փառօք Հօր՝ դատել զկենդանիս և զմեռեալս,

Մի' մտաներ ի դատաստան ընդ ծառայի քում,

Այլ փրկեա զիս ի յաւիտենական հրոյն,

Եւ լսելի արա ինձ երանաւետ կոչումն արդարոց՝

Յերկնից արքայութիւնդ,

Եւ ողորմեա Քո արարածոց եւ ինձ՝ բազմամեղիս:

XXIII

Ամենողորմ Տեր,

Ողորմեա ամենայն հաւատացելոց ի քեզ,

Իմոց եւ օտարաց, ծանոթից եւ անծանօթից, կենդանեաց եւ մեռելոց,

Շնորհեա եւ թշնամեաց իմոց եւ ատելեաց զթողութիւն՝

Որ առ իս յանցանաց,

Եւ դարձո զնոսա ի չարեացն, զոր ունին վասն իմ,

Զի ողորմութեան քում արժանի եղիցին,

Եւ ողորմեա Քո արարածոց եւ ինձ՝ բազմամեղիս:

XXIV

Փառաւորեալ Տեր, ընկալ զաղաչանս ծառայիս Քո

Եւ կատարեա ի բարի զխնդրուածս իմ,

Բարեխոսութեամբ սրբուհւոյ Աստուածածնին,

Եւ Յովհաննու Մկրտչին,

Եւ սրբոյն Ստեփաննոսի Նախավկային,

Եւ սրբոյն Գրիգորի մերոյ Լուսաւորչին,

Եւ սրբոց առաքելոց, մարգարէից, վարդապետաց, մարտիրոսաց,

Հայրապետաց, ճգնաւորաց, կուսանաց, միանձանց եւ ամենայն սրբոց քոց՝

Երկնաւորաց եւ երկրաւորաց:

Եւ Քեզ փառք եւ երկրպագութիւն

Անբաժանելի սուրբ Երրորդութեանդ,

Յաւիտեանս յաւիտենից: Ամէն:

[Angel]

կեցցե՛ք, աղջիկներ: :flower:

[SAS]

Մանե,

հուսով եմ, որ այստեղի և «Գրականություն» բաժնի բոլոր արժեքավոր նյութերը տեղափոխում ես գրադարան:Վերջերս քո աշխատանքը շատ է շատացել, չնաշխարհիկ հայուհիները խենթացել են՝ տպում հա՜ տպում են:

Մ և Մ կամ՝ Մա և Մա, իսկ ավելի ճիշտ՝ Մար և Մար,

ծլե՜լ եք՝ ծաղկե՛ք,ծաղկե՜լ եք՝ փթթե՛ք,փթթե՜լ եք՝ ... չթառամեեե՜ք: Ապրե՛ք և շարունակեք նույն ոգով ու ավյունով:

[Angel]

ՍԱՍ ջան, հեչ չմտածես, ոչ մի տառ անգամ բաց չեմ թողել և թողնի

[Шалапунька]

Մանե ջան, Դավթաք Քերթողին անպայման դիր:

[Шалапунька]

Մանե,

հուսով եմ, որ այստեղի և «Գրականություն» բաժնի բոլոր արժեքավոր նյութերը տեղափոխում ես գրադարան:Վերջերս քո աշխատանքը շատ է շատացել, չնաշխարհիկ հայուհիները խենթացել են՝ տպում հա՜ տպում են:

Մ և Մ կամ՝ Մա և Մա, իսկ ավելի ճիշտ՝ Մար և Մար,

ծլե՜լ եք՝ ծաղկե՛ք,ծաղկե՜լ եք՝ փթթե՛ք,փթթե՜լ եք՝ ... չթառամեեե՜ք: Ապրե՛ք և շարունակեք նույն ոգով ու ավյունով:

[Angel]

Մանե ջան, Դավթաք Քերթողին անպայման դիր:

[Unregistered - M]

ԱՌԱԿՔ

***

Յորժամ ըզկովըն քարշեցին,

Որթըն լինէր յոյժ դիւրածին.

Բայց նա չուտէր զիւր մօր ըստին,

Փութով երթայր յարեան տեղին:

Աղեղն

***

Զետ ըզզաղար խիստ է ի յար,

Սիրէ զմորթի ւ'ատէ զբանջար,

Ես ի՞նչ կարդամ զիւրմէն քեզ չառ,-

Խելօքըն ծով է ու խիկար:

Աղուէս

***

Յամէն շըրջի ինքն ի քարեր,

Ունի ծախու մազէ քըրձեր,

Գինոյ ունի աղւոր տընկեր,

Ի'օժտէր ձըրի դանկի կոթեր:

Այծն

***

Ի ծովէ՜ նա վերասցի,

Եւ ամփոփեալ իբր ի տըկի`

Քաղցրիկ ցօղէ յոր տեղ պիտի,

Երբ աստուծոյ կամքըն հաճի:

Անձրեւ

***

Պանդոկ մի կայր վերայ երկրի

Ի յանցաւոր ճանապարհի.

Որ անծանօ՜թքն ի նմա գային,

Եւ ծանօ՜թքըն գընային:

Մինչ հիւրըն գայր` մեծարէին,

Եւ մինչ գընայր` կողոպտէին.

Ոչ թէ մասն ինչ իրս առնուին,

Այլ զբովանդա'կըն խըլէին:

Աշխարհ

***

Տուն մի շինած էր ամբարտակ,

Յոյժ ահագին բարձրադիտակ.

Զնա հողմըն մեծ քակեաց ի տակ,

Զշինօղսն արար լեզու խառնակ:

Աշտարակ

***

Տեսի զգազան մի անկենդան,

Ժանիքըն սուր որպէս ըզշան.

Անխեղճ ուտէ ըզմիս մարդկան,

Եւ պատառէ զամէն կենդան:

Դանակ

***

Ի՜րք մի կայ ու ինքն է ջըրբեր,

Հանց գինեխում մարդ չէ տեսեր.

Խըմէ, ձըգէ, դառնայ ի վեր,

Դարտակ նա չէ ռափկի ընկեր:

Դդում

[Unregistered - M]

***

Չորեքժըռի ինքն է կանգուն,

Ով զնա չունի` գիտեմ չէ տուն,

Ըզմարդն առնէ անհոգ ի քուն.

Ով գիտենայ` է իմաստուն:

Դուռն

***

Եկեղեցին բարձր էր եւ լայն,

Անսիւն շինած էր ւ'անգերան,

Կանթեղն ի կախ կան անչըւան,

Ջահերն անձէտ ըզլոյսըն տան:

Երկինք

***

Լըսէ', եղբայր, քաջ կարեւոր.

Առ քեզ նըշան ինքն է բոլոր.

Նա եւղ ունի, կեղեւն` ոսկոր,

Կըտուեա եւ կեր ըզգռուզն աղւոր:

Ընկուզ

***

Կայր նըկանակ մի գեղապանծ,

Աշխարհաշէն փըռան եփած,

Ի յեփողէն իւրմէ խոռած,

Եւ ի նմանէ դարձեալ լըցած:

Լուսին

***

Զարմանք ասեմ քեզ սիրելի.

Կին մի ծընաւ գըռուզ որդի,

Տըղայն ունի ալիք ծերի,

Երբ ծերանայ դառնայ սեւի:

Խաղող

***

Իմաստուն մի ի յԱթենաց

Էր ի յազգէն Հայոց Մեծաց,

Խոսրովային ճառ մի ասաց,

Որ չոր թուեաց վարդապետաց:

Դաւիթ Անյաղթ

***

Մանուկ մի կայր ի Հայք գովան,

Քան ըզՍամփսոն այլ յաղթական.

Վէմ մի վերոյց մեծ տրամական,

Ի ծովն ընկէց կանգնեաց արձան:

Տորք

***

Մանուկ մի այլ ի յայս նըման

Էր ի յազգէն Արշակունեան.

Հանչաք մանուկ էր ու իշխան,

'Դ Եփրատ վազեաց քայլ մի լըման:

Վարազդատ

***

Մեռանի՜մ եւ մահանամ,

Դարձեալ յառնեմ կենդանանամ.

Զաչս ի յերկինըս համբառնամ,

Բազմաստեղօք պայծառանամ:

Ցորեն

[Satenik]

Մանե,

հուսով եմ, որ այստեղի և «Գրականություն» բաժնի բոլոր արժեքավոր նյութերը տեղափոխում ես գրադարան:Վերջերս քո աշխատանքը շատ է շատացել, չնաշխարհիկ հայուհիները խենթացել են՝ տպում հա՜ տպում են:

Մ և Մ կամ՝ Մա և Մա, իսկ ավելի ճիշտ՝ Մար և Մար,

ծլե՜լ եք՝ ծաղկե՛ք,ծաղկե՜լ եք՝ փթթե՛ք,փթթե՜լ եք՝ ... չթառամեեե՜ք: Ապրե՛ք և շարունակեք նույն ոգով ու ավյունով:

Էդ ասա, ՍԱՍ ջան, մարդ հաճույք է ստանում կյանքից էս ոսկի աղջիկներին տեսնելուց: Երկու Մար-ին մի հոգի էլ Ման ավելացրու: Ես իրենց ցավը տանեմ:

Հ.Գ. Մար-երը եփում են, Ման-ն էլ պահածոյացնում: Թե լավ կլինենք, լավ ժամանակ կսնվենք սրանով, թե ցուրտ ձմեռ սկսի, պահածոները համ կտաքացնեն, համ էլ սովից կփրկեն: Միշտ էլ այսպես է եղել պահածո սիրող հայոց կյանքը: