Sign in to follow this  
Followers 0
Шалапунька

Жизнь в ААЦ

114 posts in this topic

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Փետրվարի 27, 2007թ.

Շարունակվում է Ամենայն Հայոց Կաթողիկոսի այցը Հնդկաստան

Փետրվարի 26-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը հայրապետական շքախմբի ուղեկցությամբ այցելեց Նոր Դելիում Հայաստանի Հանրապետության դեսպանատուն: Նորին Սրբությանն ուղեկցում էր նաև Կալկաթայի եկեղեցական խորհրդի ատենապետ պրն. Հայկ Սուքիասը:

Վեհափառ Հայրապետի շքախմբին դեսպանատանը ողջունեց Հնդկաստանում Հայաստանի Հանրապետության արտակարգ և լիազոր դեսպան Աշոտ Քոչարյանը, դեսպանատան աշխատակիցները` իրենց ընտանիքներով: Ողջույնի արարողությանը ներկա էին նաև Ռուսաստանի Դաշնության, Կիպրոսի եւ Սիրիայի Արաբական Հանրապետության դեսպանատներում պաշտոնավարող հայորդիներ, ինչպեսև Նոր Դելիում բնակվող եւ ուսանող այլ հայեր:

ՀՀ դեսպանը, ողջունելով Ամենայն Հայոց Կաթողիկոսին դեսպանատուն կատարած առաջին այցի կապակցությամբ, շնորհակալություն հայտնեց Նորին Սրբությանը ցուցաբերած բարձր պատվի համար եւ նշեց, որ Վեհափառի այս այցը Հնդկաստանի հետ դիվանագիտական հարաբերությունների հաստատման 15-ամյակի տոնախմբման լավագույն արտահայտություն է: Հայաստանի Հանրապետությունը պաշտոնական դիվանագիտական հարաբերություններ Հնդկաստանի հետ հաստատել է 1992 թվականին, իսկ ՀՀ դեսպանատունը Դելիում բացվել է1999 թվականին:

Եկեղեցական խորհրդի անունից Ամենայն Հայոց Կաթողիկոսին ողջունեց Հայկ Սուքիասը` վերստին շնորհակալություն հայտնելով այցի համար և ընդգծելով, որ վերջին 40 տարիների ընթացքում սա առաջին Հայրապետական այցն է Հնդկաստան: Երջանկահիշատակ Վազգեն Ա Ամենայն Հայոց Կաթողիկոսի Հովվապետական այցելությունը Հնդկաստան տեղի է ունեցել 1963 թվականին: Տիար Սուքիասը նշեց նաև, որ Հնդկաստանում բնակվող հայերը մեծ ուրախությամբ են սպասում իրենց Հայրապետի այցին:

Այնուհետև Եկեղեցական խորհրդի ատենապետը Դելիում բնակվող բոլոր հայերին հրավիրեց Կալկաթա` մասնակցելու Տանգրայի հայկական եկեղեցու վերաօծման արարողությանը, որը կատարվելու է փետրվարի 28-ին Ամենայն Հայոց Կաթողիկոսի հանդիսապետությամբ:

Վերջում Հայրապետական իր պատգամը ներկաներին ուղղեց Ամենայն Հայոց Կաթողիկոսը: Նորին Սրբությունն ամենքին փոխանցեց իր օրհնությունն ու գնահատանքը, ապա աղոթք բարձրացրեց հայ եւ հնդիկ ժողովուրդների եղբայրության և Հայաստանի ու Հնդկաստանի միջև սերտ համագործակցության համար:

Երեկոյան Վեհափառ Հայրապետի շքախումբը Նոր Դելիից մեկնեց Կալկաթա` ուղեկցությամբ Հնդկաստանում ՀՀ դեսպան Աշոտ Քոչարյանի եւ Եկեղեցական խորհրդի ատենապետ Հայկ Սուքիասի: Կալկաթայի օդանավակայանում Վեհափառ Հայրապետին դիմավորեցին Ավստրալիայի եւ Նոր Զելանդիայի հայոց թեմի առաջնորդ Գերաշնորհ Տ. Աղան արքեպիսկոպոս Պալիոզյանը, Կալկաթայի Հայոց Մարդասիրական ճեմարանի կառավարիչ Տ. Օշական վարդապետ Գյուլգյուլյանը, Մայր Աթոռի միաբան Տ. Վարդան աբեղա Նավասարդյանը եւ Կալկաթայի հայկական եկեղեցական խորհրդի անդամները:

###

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Փետրվարի 28, 2007թ.

Գեղարդավանքի երգչախումբը մեկնում է Գերմանիա

Մարտի 2-13-ը Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Ս. Գեղարդավանքի երգչախումբը գլխավորությամբ Ս. Գեղարդավանքի վանահայր Հոգեշնորհ Տ. Ղևոնդ աբեղա Ղևոնդյանի կմեկնի Գերմանիա, ուր հանդես կգա մի քանի համերգներով (խմբի գեղարվեստական ղեկավար` արվեստագիտության թեկնածու, դոցենտ Մհեր Նավոյան, խմբավար` Անահիտ Պապայան):

Համերգային այս շրջագայությունը կազմակերպվել է Յունեսկոյի հովանու ներքո` Ս. Գեղարդավանքի և Գերմանիայում Լորշի միջնադարյան վանքի համագործակցության շրջանակներում: Երկու վանքերի համագործակցությունը սկզբնավորվել է 2001 թվականին, երբ Լորշի` այսօր արդեն գիտահետազոտական ինստիտուտի ներկայացչությունն այցելեց Հայաստան և մասնավորապես Ս. Գեղարդավանք:

Երգչախմբի հերթական ուղևորությունը դեպի Գերմանիա թվով երրորդն է: Համերգները կկայանան Մյունխեն, Աուգսբուրգ, Շտուտգարտ, Լորշ, Հանաու, Դարմշտատ և Մայնի Ֆրանկֆուրտ քաղաքներում: Համերգների ծրագրում ընդգրկված են հայ հոգևոր և ժողովրդական երգեր:

Գերմանիայի հայոց թեմի առաջնորդ Գերաշնորհ Տ. Գարեգին արքեպիսկոպոս Բեքչյանի հովանավորությամբ երգչախումբը համերգներով հանդես կգա նաև հայ համայնքի համար Քյոլն և Հանաու քաղաքներում, մարտի 9-ին և 10-ին:

###

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 2, 2007թ.

Շարունակվում է Ամենայն Հայոց Կաթողիկոսի այցը Հնդկաստան

Փետրվարի 27 Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսը հայրապետական շքախմբի եւ ՀՀ արտակարգ եւ լիազոր դեսպան Աշոտ Քոչարյանի ուղեկցությամբ այցելեց Կալկաթայի Հայոց Մարդասիրական ճեմարան:

Ճեմարանի դռների առջև հայրապետական շքախմբին դիմավորեցին ճեմարանի կառավարիչ Տ. Օշական վարդապետ Գյուլգյուլյանը, վարչական տնօրեն Տիգրան սրկ. Բաղումյանը, դպրոցի տնօրեն Ջեյմս Դայասը, եկեղեցական խորհրդի անդամները, ուսուցիչները, ճեմարանի ուսանողները եւ ողջ պաշտոնեությունը: ՙԷջ Միածինն ի Հօրէ՚ շարականի եւ Հայրապետական մաղթանքի երգեցողության ներքո ուսանողները Ամենայն Հայոց Հայրապետին ուղեկցեցին դեպի դպրոցի դահլիճ, ուր, ի պատիվ Վեհափառ Հայրապետի, տեղի ունեցավ հանդիսություն: Միջոցառումը սկսվեց ՙՏերունական աղոթքով՚ և Հնդկաստանի ու Հայաստանի օրհներգերով:

Մարդասիրական ճեմարանի պաշտոնեության և սաների անունից Ամենայն Հայոց Կաթողիկոսին ողջունեց վարչական տնօրեն Տիգրան սրկ. Բաղումյանը: Ուսուցիչների անունից Վեհափառին բարի գալուստ մաղթեց նաև տնօրեն Ջեյմս Դայասը:

Միջոցառաման ընթացքում ուսանողները հանդես եկան ասմունքի, երգեցողության և ազգային ու հնդկական պարային կատարումներով: Ուսանողների ջանքերով պատրաստվել էր նաև ներկայացում:

Հանդիսության ավարտին խոսեց ճեմարանի կառավարիչ Տ. Օշական վարդապետ Գյուլգյուլյանը, ապա հրավիրեց Հնդկաստանի և Ծայրագույն Արևելքի Հայրապետական պատվիրակ Տ. Աղան արքեպիսկոպոս Պալիոզյանին` իր խոսքն ուղղելու ներկաներին: Գերաշնորհ Սրբազան Հայրը, ևս ողջունելով Նորին Սրբությանը, կարևորեց Վեհափառ Հայրապետի այցը Հնդկաստան:

Վերջում ճեմարանի պաշտոնեությանը, ուսուցիչներին և Հայաստանից, Իրաքից ու Իրանից եկած ավելի քան 80 ուսանողներին Հայրապետական իր օրհնությունը բաշխեց Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսը` իր պատգամն ավարտելով ՙՊահպանիչ՚ աղոթքով:

Այնուհետև Նորին Սրբությունը հանդիպում ունեցավ ճեմարանի տեսչական և ուսուցչական կազմի հետ, որից հետո ծանոթացավ դպրոցի պայմաններին:

Նույն օրը Վեհափառ Հայրապետը շուրջ երեք ժամ անցկացրեց ուսանողների հետ` պատասխանելով նրանց հուզող բոլոր հարցերին և փոխանցելով հայրական իր պատգամները: Հայոց Մարդասիրական ճեմարան այցի առիթով Նորին Սրբությունը նվերներ հանձնեց ճեմարանի գրադարանին, տնօրենին, ուսուցիչներին և ուսանողներին:

Այնուհետև հայրապետական շքախումբն եղավ նաև աղջիկների Դավիդյան դպրոցում, ծանոթացավ դպրոցի պայմաններին և հանդիպեց դպրոցի անձնակազմի հետ:

###

Share this post


Link to post
Share on other sites

Այսօր Մայր Աթոռ Սուրբ Էջմիածնում` հավարտ Սուրբ Պատարագի, կատարվեց Քառասունքի Հոգեհանգստյան պաշտոն` ի հանգստություն շարունակվող Ցեղասպանության հերթական անմեղ նահատակի` Հրանտ Դինքի հոգու: Յիշատակն արդարոց օրհնութեամբ եղիցի:

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 5, 2007թ.

Գարեգին Բ Ամենայն Հայոց Կաթողիկոսը հանդիպեց Արևմտյան Բենգալ նահանգի գլխավոր նախարարի հետ

Ընդունելություն ի պատիվ Հայոց Հովվապետի

Փետրվարի 28-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը հանդիպեց Արևմտյան Բենգալ նահանգի գլխավոր նախարար Բուդհադեբ Բհատտաչարյայի հետ: Նորին Սրբությանն ուղեկցում էին Տ. Աղան արքեպիսկոպոս Պալիոզյանը, Հնդկաստանում ՀՀ դեսպան Աշոտ Քոչարյանը, Տ. Օշական վարդապետ Գյուլգյուլյանը, Տ. Կտրիճ քահանա Դևեջյանը և Կալկաթայի եկեղեցական վարչության անդամներ Հայկ Սուքիասը, Սունիլ Սոբտին և Սուզան Ռուբենը:

Գլխավոր նախարարը, ողջունելով Վեհափառ Հայրապետի այցն Արևմտյան Բենգալ և Կալկաթա, անդրադարձավ Հնդկաստանում հայ համայնքի կարևոր դերակատարությանը, հատկապես Կալկաթայի սոցիալական, մշակութային և տնտեսական զարգացման մեջ: Նա նշեց այն բարձր հարգանքի մասին, որ հնդիկ ժողովուրդը տածում է հայկական համայնքի հանդեպ` հույս հայտնելով, որ երբեմնի բազմանդամ համայնքը, որն իր թվով նվազել է վերջին տարիներին, վերստին կաճի և կբարգավաճի:

Ամենայն Հայոց Կաթողիկոսը, գոհունակություն հայտնելով բարի խոսքերի համար, անդրադարձավ Հայաստանի և Հնդկաստանի միջև առկա բազմադարյա հարաբերություններին: Հայոց Հովվապետը բարձր գնահատեց երկու ժողովուրդների բարեկամությունը և ուրախություն հայտնեց, որ ներկայիս բազմաթիվ հնդիկ երիտասարդներ իրենց ուսումնառությունն են շարունակում Երևանի բարձրագույն կրթական հաստատություններում: Վեհափառ Հայրապետն իր գնահատանքը հայտնեց գլխավոր նախարարին և ի դեմս նրա` նաև Հնդկաստանի իշխանություններին` կրոնական և ազգային փոքրամասնությունների, այդ թվում նաև հայերի, նկատմամբ ցուցաբերվող ուշադրության և հոգատարության համար£ Վեհափառ Հայրապետը նշեց, որ շնորհիվ այդ վերաբերմունքի հնդկահայերը, իբրև Հնդկաստանի Հանրապետության արժանավոր քաղաքացիներ, մասնակից են նաեւ Հնդկաստանի հասարակական, ազգային և մշակութային կյանքին:

Հանդիպման ընթացքում քննարկվեցին նաև Հայաստանի Հանրապետության և Հնդկաստանի միջև համագործակցության ոլորտներին, ինչպես նաև Կալկաթայի Հայոց Մարդասիրական ճեմարանի, Արևմտյան Բենգալում հայկական եկեղեցիների, գերեզմանատների և հուշարձանների ներկայիս կարգավիճակին առնչվող հարցեր:

Նույն օրը` երեկոյան, Թաջ Բենգալի հյուրանոցում, ի պատիվ Ամենայն Հայոց Կաթողիկոսի, տեղի ունեցավ ընդունելություն` կազմակերպված Կալկաթայի եկեղեցական վարչության կողմից: Ընդունելությանը մասնակցում էին հայ համայնքի անդամները և հնդկական հասարակության բոլոր այն անձինք, ովքեր առնչվում են հայ համայնքի, հայոց եկեղեցիների և Կալկաթայի Հայոց Մարդասիրական ճեմարանի կյանքին:

Ընդունելությանը բարիգալստյան խոսքով Նորին Սրբությանը դիմեց վարչության ատենապետ Հայկ Սուքիասը` երախտագիտություն հայտնելով Վեհափառ Հայրապետին` օրհնաբեր այցի համար: Ինչպես նշեց պրն. Սուքիասը, Հայոց Հովվապետի այցին Հնդկաստան հայ համայնքն սպասել է երկար` ավելի քան քառասուն տարի:

Հայաստանի և Հնդկաստանի միջև զարգացող կապերի և համագործակցության մասին խոսեց Հնդկաստանում ՀՀ արտակարգ և լիազոր դեսպան Աշոտ Քոչարյանը: Նա ուրախություն հայտնեց իրեն ընձեռված մեծ պատվի համար, որ առիթ ունի ուղեկցելու աշխարհասփյուռ Հայոց Եկեղեցու պետին պատմական այս այցի ընթացքում:

Ընդունելության ընթացքին Տ. Կտրիճ քահանա Դևեջյանը մասնակիցներին ներկայացրեց Մայր Աթոռ Սուրբ Էջմիածնի ներկայիս գործունեությունը` առանձնաբար անդրադառնալով քրիստոնեական դաստիարակության և քարոզչության, սոցիալական ծառայության և մշակութային ոլորտներում արձանագրած ձեռքբերումներին:

Ապա Հայրապետական իր օրհնությունն ու սերը բոլոր ներկաներին հղեց Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը: Վեհափառ Հայրապետն իր գնահատանքը հայտնեց հայ համայնքի անդամներին` նախնյաց հավատի հանդեպ նրանց նվիրումի և Մայր Աթոռ Սուրբ Էջմիածնի հանդեպ հավատարմության համար: Նորին Սրբությունը հորդորեց նրանց համայնքային կյանքում առաջնային նկատել Կալկաթայի Հայոց Մարդասիրական ճեմարանի գործունեությունը` նշելով, որ Հայոց ճեմարանում ուսանող երեխաները հնդկահայ համայնքի հարատեւության և Հնդկաստանի հայկական հայկական եկեղեցիների պահպանության ապագա երաշխավորներն են:

Ամենայն Հայոց Կաթողիկոսն իր գնահատանքը հայտնեց նաև Հովվապետական այցի կազմակերպիչներին և իր շնորհակալությունն արտահայտեց հնդիկ ժողովրդի հյուրընկալ ոգու համար, որի շնորհիվ հայերն ավելի քան հինգ հարյուր տարի առաջ իրենց ստեղծագործ արժանավոր կյանքով հաստատվել են Հնդկաստանում:

###

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 5, 2007թ.

Ամենայն Հայոց Կաթողիկոսի այցը Չինսուրա

Մարտի 1-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն իր շքախմբի, Տ. Օշական վարդապետ Գյուլգյուլյանի և եկեղեցական վարչության անդամների ուղեկցությամբ Կալկաթայից մեկնեց Արևմտյան Բենգալի ամենավաղ հայկական գաղթօջախը` Չինսուրա:

Չինսուրայում Հայրապետական պատվիրակությունն այցելեց Սբ. Հովհաննես Մկրտիչ եկեղեցի, որը կառուցվել է 1697 թվականին և Արևմտյան Բենգալի երկրորդ հնագույն եկեղեցին է:

Եկեղեցում Նորին Սրբությունն աղոթք վերառաքեց առ Բարձրյալն Աստված բոլոր այն հայորդիների հոգիների հանգստության համար, որոնք ժամանակին Հեռավոր Արևելքում կենդանություն էին տվել հայոց կյանքի նշանավոր այս կենտրոնին: Այսօր Չինսուրայում որևէ հայ չի բնակվում:

Կեսօրին Ամենայն Հայոց Կաթողիկոսը վերադարձավ Կալկաթա, ուր վերստին այցելեց Կալկաթայի Հայոց Մարդասիրական ճեմարան և որոշ ժամանակ անցկացրեց ճեմարանի սաների հետ` հայրական իր հորդորները, սերն ու օրհնությունը փոխանցելով նրանց:

Երեկոյան Գարեգին Բ Հայրապետն իր շքախմբով մեկնեց Մադրաս:

###

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 5, 2007թ.

Ամենայն Հայոց Կաթողիկոսի այցը Մադրաս

Մարտի 2-ին Մադրասում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսն այցելեց Մադրասում 1712 թվականին կառուցված Սուրբ Աստվածածին հայկական եկեղեցի, որի հարևանությամբ գտնվում է նաև հայկական գերեզմանատունը: Ու թեեւ Մադրասում հայկական բնակչություն չկա, սակայն եկեղեցին բաց է այցելուների համար:

Վեհափառ Հայրապետի այցի առիթով մոտակա շրջաններից բազում հնդիկներ էին եկել ողջունելու Նորին Սրբությանը և հայցելու Հայոց Կաթողիկոսի օրհնությունը:

Եկեղեցում Նորին Սրբության նախագահությամբ հոգեհանգստյան պաշտոն մատուցվեց վերջին հինգ դարերի ընթացքում Հնդկաստանի հայ համայնքին իրենց հոգևոր ծառայությունը բերած բոլոր հոգևորականների հոգիների խաղաղության համար: Ապա Հայոց Հովվվապետը ծաղկեպսակ դրեց Տ. Հարություն ավագ քահանա Շմավոնյանի շիրմաքարին, ով 1794 թվականին նախաձեռնել էր հայոց առաջին պարբերականի` ՙԱզդարարի՚ հրապարակումը:

Եկեղեցում Ամենայն Հայոց Կաթողիկոսը հանդիպեց նաև Մադրասի պատմական և ճարտարապետական պահպանության հանձնախմբի հետ և քննարկեց Սուրբ Աստվածածին եկեղեցու պահպանման և վերանորոգման ուղղությամբ Կալկաթայի համայնքի ձեռնարկած ջանքերին առնչվող խնդիրներ:

Կեսօրին Գարեգին Բ Կաթողիկոսն եղավ նաև Մադրասի հայտնի բլրի գագաթին գտնվող Սուրբ Թովմասի մատուռում, ուր նրան դիմավորեցին բազում քրիստոնյա հնդիկներ:

Հռոմեակաթոլիկ ավանդության համաձայն, սուրբ Թովմաս առաքյալն առաջին դարում այս բլրի վրա է նահատակվել, ուր հետագային կառուցվել է մի մատուռ, ապա` եկեղեցի: 1547 թվականին այս բլրի վրա կառուցվել է Հեռավոր Արևելքում առաջին հայկական եկեղեցին: Եկեղեցին այսօր էլ կանգուն է: Այն գործում է, սակայն` Հռոմեակաթոլիկ եկեղեցու իշխանության ներքո: Հայկական արմատների մասին վկայում են եկեղեցում` հատկապես սուրբ սեղանի վրա առկա բազում արձանագրությունները, որմնանկարները և տապանաքարերի արձանագրությունները:

Երեկոյան հայրապետական պատվիրակությունն ուղևորվեց Բոմբեյ:

###

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 5, 2007թ.

Ամենայն Հայոց Կաթողիկոսի այցը Բոմբեյ

Մարտի 3-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը մեկնեց Բոմբեյ: Վեհափառ Հայրապետին եւ նրան ուղեկից շքախմբին ողջունեց Հնդիկ Մալաբար ուղղափառ եկեղեցու պատվիրակությունը Բոմբեյի միտրոպոլիտ Մար Կուրիլոսի գլխավորությամբ: Մալանկարա եկեղեցու հոգևորականների ուղեկցությամբ Ամենայն Հայոց Կաթողիկոսն այցելեց Բոմբեյի Սուրբ Պետրոսի հայկական եկեղեցի, ուր շարականների և սաղմոսների երգեցողությամբ Նորին Սրբությանը դիմավորեցին Բոմբեյի հայազգի երեք բնակիչները, ինչպես նաև հնդիկ եկեղեցականներ և հնդիկ ուղղափառ հավատացյալներ:

Հայրապետական թափորը ՙՀրաշափառի՚ հանդիսավոր երգեցողության ներքո մուտք գործեց եկեղեցի: Ապա Ամենայն Հայոց Կաթողիկոսն իր պատգամն ու օրհնությունը բաշխեց ներկաներին: Վեհափառ Հայրապետը փառք և գոհություն վերառաքեց առ Աստված Հնդկաստանի հեռավոր ափերը հասնելու և հայ համայնքին ու նրա դարավոր ժառանգությունը տեսնելու հնարավորության համար: Դիմելով հնդիկ քրիստոնյաներին` Գարեգին Բ Կաթողիկոսը հորդորեց անսասան մնալ քրիստոնեական հավատի մեջ, հավատարիմ` Սբ. Թովմաս առաքյալի հիմնադրած Հնդիկ Մալաբար առաքելական սուրբ եկեղեցուն:

Բոմբեյի միտրոպոլիտ գերաշնորհ Մար Կուրիլոսն իր հերթին բարի գալուստ մաղթեց Ամենայն Հայոց Հովվապետին և նրան փոխանցեց Արևելքի կաթողիկոս և Մալանկարա Պատրիարք Նորին Սրբություն Բազելիոս Մար Թոմա Դիդիմոս Ա եղբայրական ողջույններն ու սերը:

Երեկոյան Ամենայն Հայոց Կաթողիկոսն շքախմբի ուղեկցությամբ մեկնեց Նոր Դելի, որտեղից կվերադառնա Հայաստան:

###

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 6, 2007թ.

Հանդիպում Հնդկաստանի նախագահի հետ

Մարտի 4-ին Նոր Դելիում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը նախագահական նստավայրում հանդիպեց Հնդկաստանի Հանրապետության նախագահ Աբդուլ Քալամի հետ:

Ողջունելով Ամենայն Հայոց Կաթողիկոսին` նախագահ Կալամն անդրադարձավ հայ եւ հնդիկ ժողովուրդների դարավոր բարեկամությանը: Նա հատկապես ընդգծեց 17-19-րդ դարերում հայ առևտրականների ունեցած կարևոր դերակատարությունը Կալկաթա, Բոմբեյ եւ Մադրաս քաղաքների տնտեսական եւ հասարակական զարգացման գործում: Դոկտ. Աբդուլ Քալամն ուրախություն հայտնեց Հայաստանի եւ Հնդկաստանի միջև հատկապես վերջին 15 տարիների ընթացքում զարգացող հարաբերությունների համար:

Վեհափառ Հայրապետը, իր հերթին ողջունելով Հնդկաստանի նախագահին, գոհունակություն հայտնեց ազգային փոքրամասնությունների նկատմամբ Հնդկաստանի իշխանությունների կողմից մշտապես ցուցաբերվող հոգատար վերաբերմունքի համար` նշելով, որ Հնդկաստանում բնակություն հաստատած հայորդիները միշտ էլ ազատ են եղել իրենց ազգային եւ հոգևոր կյանքը կազմակերպելու գործում: Վեհափառ Հայրապետը նաև Հնդկաստան այցի իր տպավորությունները փոխանցեց նախագահին` մասնավորաբար վերհիշելով Նոր Դելի, Կալկաթա, Մադրաս եւ Բոմբեյ քաղաքներ կատարած իր այցերը: Նորին Սրբությունն գոհունակությամբ արձանագրեց նաև, որ Կալկաթայի Հայոց Մարդասիրական ճեմարանը, հայկական եկեղեցիներն ու կառույցները, հայկական գերեզմանատները լավ խնամվում են:

Ամենայն Հայոց Կաթողիկոսն իր երախտագիտությունը հայտնեց հնդիկ ժողովրդին եւ պետությանը` 1988 թվականի երկրաշարժի օրերին Հայաստանին ցուցաբերած մարդասիրական օգնության, ինչպես նաև այսօր գյուղատնտեսության եւ տեխնոլոգիաների զարգացման ոլորտներում շարունակական աջակցության համար:

Հանդիպման ընթացքում կարևոր նկատվեց հայ եւ հնդիկ երիտասարդների ուսումնառությունը Հայաստանի եւ Հնդկաստանի տարբեր կրթական բարձրագույն հաստատություններում:

Նորին Սրբությանը ուղեկցում էին Հնդկաստանում ՀՀ արտակարգ եւ լիազոր դեսպան Աշոտ Քոչարյանը, Տ. Կտրիճ քհն. Դևեջյանը եւ գավազանակիր Տ. Հովնան աբղ. Հակոբյանը: Հանդիպմանը ներկա էր նաև Հայաստանում Հնդկաստանի դեսպան Ռինա Պանդեյը:

Մարտի 5-ի երեկոյան Ամենայն Հայոց Կաթողիկոսը ժամանեց Մայր Աթոռ Սուրբ Էջմիածին:

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 6, 2007թ.

Երիտասարդական ներկայացուցչական հավաք Մայր Աթոռ Սուրբ Էջմիածնում

Մայր Աթոռի հովանու ներքո

հիմնվում է Հայ Եկեղեցասեր երիտասարդաց կազմակերպություն

Մարտի 6-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ և նախագահությամբ ԱՄՆ Արևմտյան թեմի առաջնորդ գերաշնորհ Տ. Հովնան արքեպիսկոպոս Տերտերյանի տեղի ունեցավ երիտասարդական ներկայացուցչական հավաք:

Հավաքի նպատակն է Մայր Աթոռ Սուրբ Էջմիածնի հովանու ներքո հիմնադրել Համազգային հայ եկեղեցասեր երիտասարդաց կազմակերպություն, որի կենտրոնական գրասենյակը գտնվելու է Մայր Աթոռ Սուրբ Էջմիածնում: Ամենայն Հայոց Կաթողիկոսի Հայրապետական տնօրինությամբ կազմակերպության ստեղծման աշխատանքները համակարգում է Տ. Հովնան արքեպիսկոպոս Տերտերյանը, իսկ Սրբազանին օգնական նշանակվել է Մայր Աթոռի միաբան Տ. Նշան աբեղա Պետրոսյանը:

Ներկայացուցչական հավաքին մասնակցում են Գևորգյան և Վազգենյան հոգևոր ճեմարանների սաներ, Մայր Աթոռի երիտասարդ միաբաններ, Կոստանդնուպոլսի Հայոց Պատրիարքության ներկայացուցիչներ, Հայաստանի, Արցախի և աշխարհասփյուռ գրեթե բոլոր թեմերից ժամանած շուրջ յոթանասուն երիտասարդներ:

Ժողովի աշխատանքներն սկսվեցին Տերունական աղոթքով և ՙՍուրբ Աստուած՚ շարականի երգեցողությամբ, ապա հավաքի բացման խոսքով երիտասարդներին դիմեց Տ. Հովնան արքեպիսկոպոս Տերտերյանը: ՙԱյս օրը ձեր կյանքի մեջ պատմական պետք է համարեք, որովհետև առաջին անգամ պաշտոնապես հիմք է դրվում Հայ եկեղեցասեր երիտասարդաց կազմակերպության: Թեև առանձին թեմական կառույցներից ներս երիտասարդաց միություններ կան, սակայն այսօրվա ժողովի նպատակն է ստեղծել համազգային երիտասարդական մի կառույց, որ պետք է առաջնորդվի մեկ ընդհանուր կանոնադրությամբ և համակարգված գործի Մայր Աթոռ Սուրբ Էջմիածնի հովանու ներքո՚,- ասաց Սրբազան Հայրն իր խոսքում: Վերհիշելով Քրիստոնեությունը Հայաստանում պետական կրոն հռչակման 1700-ամյա հոբելյանի տոնակատարությունների շրջանակներում ստեղծված Մայր Աթոռի երիտասարդական գրասենյակի գործունեությունը` Հովնան Սրբազանը կարևոր և հրամայական նկատեց երիտասարդների ամբողջական մասնակցությունը Հայաստանյայց Առաքելական Սուրբ Եկեղեցու կյանքին: Սրբազանը հորդորեց ամենքին միմյանցով զորանալ և զորացնել իրենց հոգիներից ներս Աստծու տված կոչումը: ՙԱյս հավաքը պետք է որ մեր կյանքում այլակերպության, փոխակերպման առիթ դառնա, որպեսզի յուրաքանչյուր հանգրվան մեր ծառայության հնարավորություն դառնա դեպի Աստված բարձրանալու՚,- նշեց Հովնան Սրբազանը:

Կազմակերպության առաքելության և գործունեության ոլորտների վերաբերյալ քննարկումներից հետո հավաքի մասնակիցներն ընտրեցին Կենտրոնական խորհուրդ, որը, գործադրելով ներկայացուցչական ժողովի որոշումները, կնախապատրաստի Համազգային հայ եկեղեցասեր երիտասարդաց կազմակերպության 2008թ. առաջին պատգամավորական ժողովը: Պատգամավորական ժողովին կներկայացվի նաև ներկայացուցչական հավաքի որդեգրված` Կազմակերպության կանոնադրության նախագիծը: Մինչ պատգամավորական ժողովը Հայ Եկեղեցու թեմերում կհաստատվեն Հայ եկեղեցասեր երիտասարդաց կազմակերպության գրասենյակներ, տարբեր մայրցամաքներում կգումարվեն շրջանային ենթահանձնախմբերի ժողովներ:

Հավաքի մասնակիցներին Վեհարանի հարկի ներքո ընդունեց և Հայրապետական իր օրհնությունը փոխանցեց Գարեգին Բ Ամենայն Հայոց Կաթողիկոսը: ՙՄեզ համար շատ էական է և կարևոր այս նախաձեռնությունը` Հայ Եկեղեցու եկեղեցասեր երիտասարդաց կառույցի ձևավորումը, որն օգտակար և շահեկան պիտի լինի եկեղեցական մեր առաքելության իրականացման գործում: ....Եկեղեցին պետք է կարողանա ներկայություն լինել մեր կյանքի բոլոր ոլորտներում: Դա չի կարող միայն հոգևորականների աշխատանքի շնորհիվ իրականացվել, այլ ավագ և երիտասարդ սերնդի բոլոր հայորդիների աջակցությամբ: ...Երիտասարդների ձայնը պետք է հնչի եկեղեցական մեր կառույցներից ներս, և ձեր շարքերը պիտի ժամանակի մեջ ավելի ընդարձակվեն և համալրվեն նոր անդամներով՚,- ասաց Նորին Սրբությունը` խոստումնալից և հուսադրող նկատելով ձեռնարկված առաջին քայլերը: Ամենայն Հայոց Կաթողիկոսը կարևոր նկատեց, որ երիտասարդները հաղորդ դառնան եկեղեցական կյանքի խնդիրներին, որպեսզի իրենց գործունեությամբ թե ներկայիս և թե ապագային նպաստեն հոգևոր կյանքի առավել արդյունավետ կազմակերպմանը և առկա խնդիրների լուծմանը:

Վեհափառ Հայրապետը նաև իր գնահատանքը հայտնեց Հովնան Սրբազանին երիտասարդների նկատմամբ ունեցած սիրո և հետևողական ու նախանձախնդիր աշխատանքի համար:

Ներկայացուցչական հավաքին ներկա էր Իտալիայի Հայոց հոգեւոր հովիվ Տ. Առեն վարդապետ Շահինյանը:

###

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 9, 2007թ.

Մայր Աթոռ Սուրբ Էջմիածնում գումարվեց Գերագույն Հոգևոր Խորհրդի ժողով

Մարտի 7-9-ը Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի բարձր նախագահությամբ գումարվեց Գերագույն Հոգևոր Խորհրդի ժողով:

Ժողովը բացվեց Տերունական աղոթքով: Ողջունելով Գերագույն Հոգևոր Խորհրդի անդամներին` Ամենայն Հայոց Կաթողիկոսն Հայրապետական իր օրհնությունն ու բարեմաղթանքները բերեց ժողովականներին` մասնավոր գնահատանք հայտնելով Եկեղեցու առջև ծառացած խնդիրների քննարկմանն ու լուծմանն իրենց բերած ներդրումի համար:

Որպես ատենապետեր` եռօրյա նիստերը վարելու հրավիրվեցին Տ. Վաչե արքեպիսկոպոս Հովսեփյանը, Տ. Մեսրոպ արքեպիսկոպոս Գրիգորյանը, Տ. Աղան արքեպիսկոպոս Պալիոզյանը և Տ. Հովնան արքեպիսկոպոս Տերտերյանը:

Օրակարգի հաստատումից և նախորդ ժողովի արձանագրության վավերացումից հետո Վեհափառ Հայրապետի կողմից կատարվեցին ծանուցումներ նախորդ ժողովի ընթացքին կայացված որոշումների կատարման ընթացքի վերաբերյալ: Այնուհետև քննության առնվեցին հաստատված օրակարգի հարցերը:

Ժողովականներին ներկայացվեցին Մայր Աթոռ Սուրբ Էջմիածնի 2006 թվականի գործունեության տարեկան զեկույցը և ֆինանսական հաշվետվությունը: Մասնակի անդրադարձումներ կատարվեցին սոցիալական ծառայությունների, եկեղեցաշինության, հոգևորականների պատրաստության, Եկեղեցի-պետություն, Մայր Աթոռ - նվիրապետական Աթոռներ հարաբերությունների, գիտա-կրթական գործունեության ոլորտներին: Գերագույն Հոգևոր խորհուրդը գոհունակությամբ ընդունեց զեկույցը:

Տ. Հովնան արքեպիսկոպոս Տերտերյանի զեկույցով ներկայացվեցին Համահայկական երիտասարդական եկեղեցասիրաց կազմակերպության կառույցի ձևավորման ուղղությամբ կատարված աշխատանքները: Սրբազանը տեղեկացրեց, որ մարտի 6-ին Մայր Աթոռում տեղի ունեցավ երիտասարդական ներկայացուցչական հավաք` մասնակցությամբ Հայաստանից և արտերկրից շուրջ 70 երիտասարդների, որն ընտրեց կենտրոնական խորհուրդ` կազմակերպության 2008թ. առաջին պատգամավորական ժողովը նախապատրաստելու համար: Ժողովը գնահատանքով ընդունեց կատարված աշխատանքների մասին ծանուցումները` վստահություն հայտնելով, որ այս կառույցը նոր խթան կդառնա թեմերում եկեղեցասեր երիտասարդաց միությունների գործունեության առավել արդյունավորման համար:

Օրակարգի հաջորդ հարցով անդրադարձ կատարվեց Վիրահայոց թեմի խնդիրներին: Հարցի վերաբերյալ զեկույցով հանդես եկող Վիրահայոց թեմի առաջնորդ Տ. Վազգեն եպիսկոպոս Միրզախանյանը հանգամանորեն անդրադարձավ թեմի առջև ծառացած մարտահրավերներին, թեմի իրավաբանական կարգավիճակի հաստատման ու եկեղեցիների վերադարձման ուղղությամբ կատարվելիք աշխատանքների անհրաժեշտությանը: Խնդրի առնչությամբ տեղի ունեցած քննարկումների արդյունքում Գերագույն Հոգևոր խորհուրդը որոշեց շարունակել աշխատանքները Վրաց պետության և Վրաց Ուղղափառ Եկեղեցու հետ` մատնանշված խնդիրներին բարվոք լուծում գտնելու համար:

Գերագույն Հոգևոր խորհրդը քննության առավ նաև թեմական կանոնադրության ուղենիշային փաստաթղթի նախագիծը: Զեկուցող Տ. Եզնիկ արքեպիսկոպոս Պետրոսյանը նախորդ ժողովի ընթացքին նախագծի վերաբերյալ կատարված դիտողությունների և առաջարկությունների հիման վրա ժողովականներին ներկայացրեց թեմական կանոնադրության ուղենիշային փաստաթղթի նախագծի` ծուխին վերաբերող բաժնի լրամշակված տարբերակը, որը մասնակի քննարկումներից հետո ընդունվեց որպես հիմք: Ժողովականները քննարկեցին նախագծի մյուս բաժինները, որոնք վերաբերում են առաջնորդի, թեմերի կառավարման մարմինների, դրանց ընտրության և գումարման կարգին, իրավասությունների ու պարտականությունների շրջանակներին և հարակից այլ հարցերի:

Ընթացակարգային առումով թեմական կանոնադրության ուղենիշային փաստաթղթի նախագիծը պիտի առաքվի թեմեր, լրամշակման ենթարկվի թեմերից եկած դիտողությունների և առաջարկների հիման վրա, ապա Գերագույն Հոգևոր խորհրդի և թեմական ներկայացուցչական ժողովի վերջնական քննարկումից հետո ներկայացվի ի հաստատումն Ամենայն Հայոց Հայրապետին:

Ի շարս այլ հարցերի որոշում կայացվեց, որի համաձայն առաջիկա տարի` 2008թ. սեպտեմբերի 28-ին կկատարվի Մյուռոնօրհնության արարողություն:

###

post-28545-1173450585.jpg

Share this post


Link to post
Share on other sites

ՀԱՂՈՐԴԱԳՐՈՒԹՅՈՒՆ

Մարտի 13, 2007թ.

Իրաքի թեմակալ առաջնորդի այցը Հյուսիսային Իրաքի քաղաքներ

Մարտի 2-4-ը Իրաքի հայոց թեմի առաջնորդ Տ. Ավագ արքեպիսկոպոս Ասատուրյանը թեմի երկու հոգևորականների և թեմական խորհրդի երեք անդամների ուղեկցությամբ այցելեց Հյուսիսային Իրաքի մի շարք քաղաքներ, ուր հանդիպումներ ունեցավ հայ համայնքի ներկայացուցիչների հետ:

Մարտի 2-ին Գերաշնորհ Ավագ Սրբազանը ժամանեց Էրբիլ քաղաք, ուր նրան միացան Կիրկուկ, Մոսուլ, Զախո և Ավզրուգ քաղաքների հոգևոր սպասավորները և ծխական խորհուրդների անդամները: Էրբիլ քաղաքի հայկական եկեղեցում հայ համայնքի մասնակցությամբ կատարվեցին Խաղաղական և Հանգստյան ժամերգություններ, ապա ներկաներին քարոզեց Ավագ Սրբազանը: Արարողությունից հետո տեղի ունեցավ հանդիպում Էրբիլի հայկական եկեղեցու անդամների հետ:

Մարտի 3-ի առավոտյան Սրբազանն իր շքախմբով ուղևորվեց Դուհոկ քաղաք, ուր տեղի ունեցավ տարածաշրջանային ժողով մասնակցությամբ բոլոր հոգևորականների և ծխական խորհրդի անդամների: Ժողովի ընթացքում քննարկվեցին Իրաքի հայոց թեմին առնչվող խնդիրներ:

Մարտի 4-ին տեղի ունեցավ Դուհոկի նոր եկեղեցու հիմանարկեքի արարողությունը: Ավագ Սրբազանի ձեռամբ օծվեցին եկեղեցու տասնվեց վեմ քարերը` համաձայն Հայաստանյայց Առաքելական Եկեղեցու սուրբ ավանդության: Հիմանրկեքի արարողությանը ներկա էին Դուհոկի հայերը, ինչպես նաև քույր եկեղեցիների եպիսկոպոսներն եւ հոգևորականները: Արարողության ավարտին ներկաներին խոսքով դիմեց Իրաքի հայոց թեմի առաջնորդը: Ավագ Սրբազանը հորդորեց հայորդիներին, որպես Հայաստանի իսկական զավակներ, հավատարիմ մնալ քրիստոնեական հավատին և սուրբ ավանդույթներին, հակառակ, որ անցյալի անարդարությունների պատճառով, որ պետք է սրբագրվեն, այժմ հեռու են իրենց հայրենիքից:

###

post-28545-1173800809.jpg

post-28545-1173800898.jpg

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: hol[email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 22, 2007թ.

Ամենայն Հայոց Կաթողիկոսը ցավակցական գիր է հղել

Մոսկվայի և Համայն Ռուսիո Պատրիարքին

Ռուսաստանի Դաշնությունում վերջին օրերին տեղի ունեցած ողբերգական դեպքերի առիթով Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը ցավակցական գիր է հղել Մոսկվայի և Համայն Ռուսիո Նորին Սրբություն Ալեքսի Բ Պատրիարքին:

Ցավակցագրի մեջ մասնավորապես ասվում է. ՙԱյս ծանր պահին Հայաստանյայց Առաքելական Սուրբ Եկեղեցու Գերագույն Հոգևոր Խորհրդի, եկեղեցականաց դասի և հավատավոր հոտի անունից Մեր անկեղծ ցավակցությունն ենք հայտնում Ձերդ Սրբությանը, հանգուցյալների հարազատներին ու մտերիմներին և Ռուսաստանի համայն ժողովրդին:

Աղոթք ենք բարձրացնում տուժածների շուտափույթ ապաքինման համար: Հայցում ենք Ամենողորմ Տիրոջը, որ երկնային Իր հարկերում հանգստության մեջ ընդունի զոհվածների հոգիները և Սուրբ Հոգով մխիթարի բոլոր սգավորներին՚:

###

Share this post


Link to post
Share on other sites

PRESS RELEASE

Mother See of Holy Etchmiadzin, Information Services

Address: Vagharshapat, Republic of Armenia

Contact: Rev. Fr. Ktrij Devejian

Tel: +374-10-517163

Fax: +374-10-517301

E-Mail: [email protected]

Website: www.armenianchurch.org

March 25, 2007

The Message of Condolence of

His Holiness Karekin II, Catholicos of All Armenians,

on the death of Prime Minister of the Republic of Armenia Andranik Margarian

We mourn the sudden death of Prime Minister Andranik Margarian with deep pain. His death is a great loss for our native state and people, and the grieving Margarian family.

The earthly life Andranik Margarian, devoted son of our people and patriotic statesman and politician, ended too soon. The Prime Minister of blessed memory brought his important contribution with special diligence to the strengthening of our statehood, the creation of a new life for the Armenians and to the gratifying work of building the luminous tomorrow of our people.

Also worthy of gratitude are the labors and contributions of the late Prime Minister to the work of reinforcing the relationship between Church and state, making it more effective and productive.

On behalf of the Supreme Spiritual Council and the Brotherhood of the Mother See of Holy Etchmiadzin, we are unified at this sad time in heartfelt prayers with his grieving widow and children, the President of the Republic of Armenia, senior officials of our state, his friends and associates, and all our people.

We pray to Almighty God, asking that the soul of the departed be received in the blessed and heavenly kingdom in lights and peace, and for the consolation and comfort of His Holy Spirit to be granted to all grieving hearts.

We offer incense, prayer and blessing to the luminous memory of Andranik Margarian.

“O Lord, make the soul of the departed worthy and accept him in the life eternal. Amen.”

With sorrowful love and blessings,

KAREKIN II

SUPREME PATRIARCH

CATHOLICOS OF ALL ARMENIANS

##

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 25, 2007թ.

Ն.Ս.Օ.Տ.Տ. ԳԱՐԵԳԻՆ Բ

ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՑԱՎԱԿՑԱԿԱՆ ԽՈՍՔԸ ՀՀ ՎԱՐՉԱՊԵՏ ԱՆԴՐԱՆԻԿ ՄԱՐԳԱՐՅԱՆԻ ՄԱՀՎԱՆ ԱՌԻԹՈՎ

Խորը ցավով սգում ենք անսպասելի մահը ՀՀ վարչապետ Անդրանիկ Մարգարյանի: Մեծ է կորուստը հայրենի մեր պետության, ժողովրդի և Մարգարյան ողբացյալ ընտանիքի:

Վաղաժամ ավարտվեց երկրային կյանքը մեր ժողովրդի նվիրյալ զավակ, հայրենասեր ու ազգանվեր պետական-քաղաքական գործիչ հոգելույս Անդրանիկ Մարգարյանի: Բարեհիշատակ վարչապետը առանձնակի նախանձախնդրությամբ իր կարևոր ներդրումը բերեց Հայրենի պետականության զորացման, հայոց նոր կյանքի կերտման և մեր ժողովրդի վաղվա լուսավոր օրը կառուցելու շնորհակալ գործին:

Երախտարժան է վաստակը հանգուցյալ վարչապետի նաև Եկեղեցի-պետություն հարաբերությունների ամրապնդման ու արդյունավորման գործում:

Վշտալի այս պահին հանուն Գերագույն Հոգևոր Խորհրդի և Մայր Աթոռ Սուրբ Էջմիածնի միաբանության` աղոթքով սրտակից ենք հանգուցյալի սգակիր այրուն և զավակներին, ՀՀ նախագահին, հայոց պետական ավագանուն, ննջեցյալի մերձավորներին ու կուսակիցներին և համայն մեր ժողովրդին:

Աղոթում ենք առ Բարձրյալն Աստված, որ երկնից երանավետ հանգրվաններում լույսերի և խաղաղության մեջ ընդունի հանգուցյալի հոգին և Իր Սուրբ Հոգու մխիթարությունն ու սփոփանքը պարգևի վշտացյալ բոլոր սրտերին:

Խունկ, աղոթք և օրհնություն հոգելույս Անդրանիկ Մարգարյանի բարի հիշատակին:

ՙԶննջեցեալս մեր արժանի արա, Տէր, ընդունիլ ի կեանսդ յաւիտենից. Ամէն՚:

Վշտակից սիրով և օրհնությամբ`

ԳԱՐԵԳԻՆ Բ

ԿԱԹՈՂԻԿՈՍ ԱՄԵՆԱՅՆ ՀԱՅՈՑ

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 28, 2007թ.

Ն.Ս.Օ.Տ.Տ. ԳԱՐԵԳԻՆ Բ

ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ԽՈՍՔԸ

ՀՀ ՎԱՐՉԱՊԵՏ ԱՆԴՐԱՆԻԿ ՄԱՐԳԱՐՅԱՆԻ ՀՈՒՂԱՐԿԱՎՈՐՈՒԹՅԱՆ ԺԱՄԱՆԱԿ

ՙՍգակիր Նախագահ, հանգուցյալ Վարչապետի սգացյալ այրի և զավակներ, բարեպաշտ ժողովուրդ.

Մեծ վիշտ ենք ապրում ամենքս: Կորստի ցավն ու տխրությունը մեր սրտերում` հրաժեշտ ենք տալիս պետական-քաղաքական սիրված գործիչ, Հայաստանի Հանրապետության Վարչապետ Անդրանիկ Մարգարյանին, ով երկրային կյանքից անժամանակ հեռացավ` թողնելով բարի հիշատակ, հայրենաշեն և ազգանվեր գործեր:

Բոլորիս աչքի առջև է գործերով արժևորված և արժեքներով ներշնչված նրա կյանքը: Հայրենիքի սերը հոգում` դեռ երիտասարդ հասակից անկեղծ նվիրումով մասնակից դարձավ Հայաստանի անկախության համար պայքարին, հայության արդար դատի պաշտպանությանը և ազգային իղձերի մարմնավորմանը: Տեսավ իրականացած հայրենի անկախ պետականության վերականգնման իր երազը և առանձնակի նախանձախնդրությամբ իր կարողությունները ծառայեցրեց Հայաստանի նոր կյանքի կառուցմանը: Ազգային արժեքներով բարօր ու շեն, օրինահարգ և զարգացող Հայրենիք ունենալու տեսիլքը իր հոգում` նա կոչվեց գործադիր բարձր իշխանության: Իշխանությունն ու պաշտոնը ճշմարտապես ընկալեց որպես ժողովրդին մատուցվող ծառայություն և իր վարչապետության տարիները արդյունավորեց անձնվեր աշխատանքով ու մնայուն ձեռբերումներով` ի խնդիր մեր երկրի առաջընթացի և մեր ժողովրդի բարեկեցիկ կյանքի: Հայրենիքը սիրելու, ազգը սիրելու վառ օրինակը թողեց մեզ և սերունդներին, օրինակը` նվիրյալ գործունեությամբ համազգային իղձերի տերը լինելու և դրանք կյանքի կոչելու պատասխանատվության և վճռականության:

Մենք սիրով ենք հիշում հոգելույս Անդրանիկ Մարգարյանի հետ ունեցած հանդիպումները, որոնց ընթացքում զգացել ենք նաև նրա խորին հարգանքը` հանդեպ համայն հայության նվիրական Սրբավայր Մայր Աթոռ Սուրբ Էջմիածինը: Հանգուցյալ Վարչապետը նույնպես իր գնահատելի նպաստը բերեց Հայ Եկեղեցու առաքելությանը` անվարան հավատով, որ Աստծուն ապավինած, Հայ Եկեղեցու օրհնության ներքո պիտի շարունակի ապրել հայ ժողովուրդը:

Վարչապետ Անդրանիկ Մարգարյանի հիշատակը միշտ ապրելու է մեր հոգիներում իր անմիջական ու բարի, մարդասեր և հայրենասեր նկարագրով, ծառայության իր վաստակով Հայրենիքին ու ժողովրդին:

Աղոթում ենք, որ Բարձրյալն Աստված Իր անբավ ողորմությամբ երկնից հավիտենական հանգրվաններում լույսերի և երանավետ խաղաղության մեջ ընդունի հոգին հանգուցյալ Վարչապետի և Սուրբ Հոգու շնորհով սփոփանք և մխիթարություն պարգևի ննջեցյալի սգակիր այրուն և զավակներին, մերձավորներին և մեզ ամենքիս:

Թող Տերը խաղաղության Իր շնորհի ներքո պահպանի հայրենի մեր պետությունը և ազգս հայոց և օրհնի մեր ժողովրդին` իրականության առաջնորդելու այն իղձերը, որոնք կրում էր իր հոգում նաև լուսահոգի Վարչապետ Անդրանիկ Մարգարյանը:

Խունկ, աղոթք և օրհնություն ի Տեր հանգյալ Անդրանիկ Մարգարյանի բարի հիշատակին ու շիրիմին: Ամէն՚:

###

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 30, 2007թ.

Մայր Աթոռ Սուրբ Էջմիածնի լուսարարապետ է

նշանակվել Արարատ եպիսկոպոսը

Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի Հայրապետական տնօրինությամբ Մայր Աթոռ Սուրբ Էջմիածնի վանորեից տեսուչ Գերաշնորհ Տ. Արարատ եպիսկոպոս Գալթագճյանը նշանակվել է Մայր Աթոռ Սուրբ Էջմիածնի լուսարարապետ:

Արարատ Սրբազանը շարունակելու է կատարել նաև վանքերի տեսչի պարտականությունները:

###

Տ. Արարատ եպիսկոպոս Գալթագճյան

(կենսագրական)

Տ. Արարատ եպիսկոպոս Գալթագճյանը (ավազանի անունը` Հակոբ) ծնվել է 1962թ. դեկտեմբերի 11-ին` Բեյրութի Հաճն թաղամասում: Նախնական կրթությունն ստացել է ծննդավայրի ՙՍբ. Սահակ-Սբ. Մեսրոպ՚ վարժարանում:

1977թ. ընդունվել է Մեծի Տանն Կիլիկիո Կաթողիկոսության դպրեվանքը:

1979թ.-1985թ. ուսումը շարունակել է Մայր Աթոռ Սբ. Էջմիածնի Հոգևոր ճեմարանում:

1985թ. պաշտպանել է ավարտաճառը ՙՀայ հին մատենագրության տպագրված տեքստերի մատենագիտություն՚ թեմայով:

1985թ. որպես սարկավագ ծառայության է կոչվում Դամասկոսի թեմի առաջնորդարանում:

1986թ. ապրիլի 20-ին` Դամասկոսի Սբ. Սարգիս եկեղեցում, ձեռամբ Դամասկոսի և Հունաստանի թեմերի առաջնորդ Տ. Ոսկան արքեպիսկոպոս Գալփակյանի ձեռնադրվում է կուսակրոն քահանա` վերակոչվելով Արարատ աբեղա:

1988թ. փետրվարի 22-ին պաշտպանում է վարդապետական թեզը ՙԱնտիոքի եկեղեցու պատմություն՚ խորագրով և վարդապետության աստիճան ստանում Օշականի Սբ. Մեսրոպ Մաշտոց եկեղեցում` ձեռամբ Տ. Ներսես արքեպիսկոպոս Պոզապալյանի:

1986-1990թթ. Դամասկոսի թեմում ծառայել է որպես առաջնորդի օգնական: 1990թ. հրավիրվել է Կանադա և ստանձնել Տորոնտոյի Սբ. Երրորդություն եկեղեցու հոգևոր հովվի պարտականությունները:

1993թ. տեղափոխվել է Մոնրեալ` որպես առաջնորդի օգնական: 1994թ. նշանակվել է Մոնրեալի Հարավային ափի Սբ. Նարեկ եկեղեցու հոգևոր հովիվ:

1995-1996թթ. Օտտավայում և Նյու Յորքում հետևում է լեզվի դասընթացների, իսկ 1996թ. ընդունվում է Նյու Յորքի Սբ. Ներսես աստվածաբանական ճեմարան և Սբ. Վլադիմիր ուղղափառ համալսարան:

1996թ. ստանձնում է Մոնրեալի Սբ. Գրիգոր Լուսավորիչ առաջնորդանիստ եկեղեցու հոգևոր հովվի պաշտոնը` միևնույն ժամանակ իրականացնելով Լավալի Սբ. Խաչ եկեղեցու հովվի պարտականությունները և սպասավորելով Օտտավայի Սբ. Մեսրոպ եկեղեցում որպես այցելու հովիվ:

1999թ. հոկտեմբեր 11-ին, իր մատուցած ծառայությանն ի գնահատություն, օրհնությամբ Ն.Ս.Օ.Տ.Տ. Գարեգին Ա Ամենայն Հայոց Կաթողիկոսի և ձեռամբ Կանադայի Հայոց թեմի առաջնորդ Տ. Հովնան արքեպիսկոպոս Տերտերյանի ստանում է ծայրագույն վարդապետության աստիճան, և նույն թվականին առաջնորդի կողմից նշանակվում է Կանադայի հայոց թեմի Առաջնորդական փոխանորդ:

2003թ. ապրիլի 1-ին նշանակվել է Հայաստանյան ծրագրերի, Հայաստանի ծնողազուրկ երեխաների, Հայ եկեղեցասեր երիտասարդաց կազմակերպության վարիչ տնօրեն, ինչպես նաև Կանադայի թեմի փոքր ծուխերի հոգևոր տեսուչ:

2003թ. Կանադայի թեմի առաջնորդ Տ. Բագրատ եպիսկոպոս Գալստանյանի տնօրինությամբ նշանակվում է Լավալի Սբ. Խաչ եկեղեցու հոգևոր տեսուչ, իսկ 2004 թ. նույն եկեղեցու հոգևոր հովիվ` պահելով մինչ այդ ունեցած բոլոր պաշտոնները:

Մոնրեալում ծառայության ընթացքին Արարատ Սրբազանը կազմակերպել է մի շարք եկեղեցական հրատարակությունները` գրքույկներ եկեղեցու խորհուրդների և արարողությունների մասին: Տպագրել է ՙՆարեկ՚ կիրակնօրյա թերթիկը, 2000թ.-ից հրատարակել է Եկեղեցու պաշտոնական ՙԲուրաստան՚ երկամսյա թերթը:

2006թ. հունիսին տեղափոխվել է Մայր Աթոռ Սուրբ Էջմիածին և հուլիսի 10-ին Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի կողմից նշանակվել է Սբ. Էջմիածնի պատկան վանքերի տեսուչ:

2006թ. նոյեմբերի 19-ին ձեռամբ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի օծվել է եպիսկոպոս:

###

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 1) 517 128/125

Հեռատիպ: (374 1) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Մարտի 31, 2007թ.

Քահանայից հավաք Մայր Աթոռ Սուրբ Էջմիածնում

Մարտի 30-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի բարձր նախագահությամբ տեղի ունեցավ քահանայից հերթական ամենամյա հավաքը: Հավաքին իրենց մասնակցությունն էին բերել շուրջ 180 եկեղեցականներ` Հայաստանի և Արցախի թեմակալ առաջնորդներ, Սուրբ Էջմիածնի միաբաններ և թեմերից ժամանած քահանա հայրեր:

Մինչ հավաքի բացումը եկեղեցականների թափորի ուղեկցությամբ Ամենայն Հայոց Կաթողիկոսն առաջնորդվեց Մայր Տաճար, ուր կատարվեց Արևագալի հանդիսավոր ժամերգություն: Ժամերգությունից առաջ եկեղեցականներին Վեհափառ Հայրապետի անունից ողջույնեց Մայր Աթոռի դիվանապետ Տ. Արշակ եպիսկոպոս Խաչատրյանը:

Հավարտ սրբազան արարողության քահանաների հավաքն սկսեց իր աշխատանքը: Ժողովն սկսվեց Տերունական աղոթքով, ապա ժողովականները մեկ րոպե լռությամբ հարգեցին հանգուցյալ ՀՀ վարչապետ Անդրանիկ Մարգարյանի հիշատակը, որից հետո Ամենայն Հայոց Կաթողիկոսն աղոթք բարձրացրեց ՀՀ վարչապետի հոգու հանգստության համար: Այնուհետև ժողովի կազմակերպիչ, Շիրակի թեմի առաջնորդ Տ. Միքայել եպիսկոպոս Աջապահյանը ներկայացրեց հավաքի օրակարգը: Հավաքն ատենապետելու հրավիրվեցին Մայր Աթոռ Սուրբ Էջմիածնի միաբան Տ. Ներսես արքեպիսկոպոս Պոզապալյանը և Արցախի թեմի առաջնորդ Տ. Պարգև արքեպիսկոպոս Մարտիրոսյանը:

Հավաքին զեկուցումներ ներկայացրեցին Տ. Վահան քահանա Ազարյանը (Գուգարաց թեմ), Տ. Կյուրեղ քահանա Տալյանը (Կոտայքի թեմ), Տ. Գևորգ քահանա Տեր-Բարսեղյանը (Գեղարքունյաց թեմ) և Տ. Վարագ քահանա Հակոբյանը (Շիրակի թեմ), ապա ներկայացված բանախոսությունների շրջանակում ծավալվեցին քննարկումներ Մայր Աթոռ Սուրբ Էջմիածնի և թեմերի հոգևոր-քարոզչական, հովվական, վարչակազմակերպական և եկեղեցական կյանքի այլ բնագավառների վերաբերյալ: Ժողովականներին Հայաստանյայց Առաքելական Սուրբ Եկեղեցու և Հայաստանի Հանրապետության հարաբերությունների մասին օրենքի շուրջ հանգամանալից տեղեկություններ ներկայացրեց Տ. Արշակ եպիսկոպոս Խաչատրյանը: Այս առնչությամբ քահանայից ժողովն իր շնորհակալությունը հայտնեց հայրենի իշխանություններին եկեղեցի-պետություն հարաբերությունները կարգավորող օրենքի նախաձեռնման և ընդունման առնչությամբ:

Քննարկումների ավարտին Վեհարանի հանդիսությունների դահլիճում հոգևորականաց դասին Հայրապետական իր օրհնությունն ու պատգամը բերեց Գարեգին Բ Ամենայն Հայոց Կաթողիկոսը: Նորին Սրբությունը մասնավոր իր գնահատանքը հայտնեց ժողովի կազմակերպիչ Տ. Միքայել եպիսկոպոս Աջապահյանին` հավաքի շահեկան կազմակերպման առիթով: Ապա ողջունելով քահանայից դասին Մայր Աթոռ Սուրբ Էջմիածնում` Վեհափառ Հայրապետն իր գնահատանքը բերեց եկեղեցականներին` իրենց նախանձախնդիր ծառայությամբ Եկեղեցու ներկայությունը հայոց կյանքում զորացնելու և այն իր առաքելության մեջ առավել արդյունավետ դարձնելու համար: ՙ...Շնորհիվ ձեր նվիրյալ ծառայության` մենք առաջընթաց ենք տեսնում մեր Եկեղեցու կյանքից ներս: Հարկավ, թերություններ ևս կան, և անելիք աշխատանքներն ավելի շատ են, բայց այս ամենով հանդերձ միանշանակ կարող ենք ասել, որ մեր Եկեղեցին օրավուր զորանում է: Լավատեսությամբ ենք նայում մեր Եկեղեցու վաղվա օրվան՚,- նշեց Նորին Սրբությունն իր խոսքում: Հայոց Հայրապետը հորդորեց քահանա հայրերին շարունակել նույն ոգով ու եռանդով, նույն համարձակությամբ ու նախանձախնդրությամբ ծառայություն բերել Հայոց Եկեղեցուն և ժողովրդին:

Վեհափառ Հայրապետն անդրադարձավ նաև անցնող տարում Մայր Աթոռ Սուրբ Էջմիածնի գործունեությանը և արձանագրած ձեռքբերումներին, պատասխանեց հավաքի մասնակիցներին հետաքրքրող ու հուզող հարցերին:

Այնուհետև, նվիրյալ ու գնահատելի ծառայության համար Նորին Սրբության կողմից պարգևաբաշխության արժանացան տասնվեց քահանա հայրեր: Ծաղկյա փիլոն կրելու իրավունք ստացան Տ. Գևորգ քահանա Միրզախանյանը (Արմավիրի թեմ), Տ. Մեսրոպ քահանա Արամյանը (Արցախի թեմ), Տ. Գրիգոր քահանա Մարկոսյանը (Արցախի թեմ), Տ. Տիրան քահանա Առուշանյանը (Արարատյան թեմ), Տ. Խորեն քահանա Մարուքյանը (Արարատյան թեմ), Տ. Հովհաննես քահանա Հովհաննիսյանը (Արարատյան թեմ), Տ. Շահե քահանա Հայրապետյանը (Արարատյան թեմ): Լանջախաչ կրելու իրավունք շնորհվեց Տ. Զգոն քահանա Անտոնյանին (Շիրակի թեմ), Տ. Տաթև քահանա Կիրակոսյանին (Արմավիրի թեմ), Տ. Սողոմոն քահանա Ավետիսյանին (Գուգարաց թեմ), Տ. Սիմեոն քահանա Առաքելյանին (Գուգարաց թեմ), Տ. Դավիթ քահանա Կյուրեղյանին (Արարատյան թեմ), Տ. Շմավոն քահանա Ղևոնդյանին (Արարատյան թեմ), Տ. Շահան քահանա Միրզոյանին (Կոտայքի թեմ), Տ. Վիրապ քահանա Ղազարյանին (Արագածոտնի թեմ), Տ. Մուշե քահանա Վահանյանին (Արագածոտնի թեմ):

###

post-28545-1175339299_thumb.jpg

post-28545-1175339361_thumb.jpg

post-28545-1175339453_thumb.jpg

post-28545-1175339515.jpg

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Ապրիլի 1, 2007թ.

Ծաղկազարդի տոնը Մայր Աթոռ Սուրբ Էջմիածնում

Ապրիլի 1-ին Հայաստանյայց Առաքելական Սուրբ Եկեղեցին տոնախմբեց Ծաղկազարդը` Հիսուս Քրիստոսի` Երուսաղեմ հաղթական մուտքի հիշատակը: Ծաղկազարդի օրը Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի բարձր տնօրինությամբ նաև հռչակված է որպես մանուկների օրհնության օր:

Տոնի առիթով Մայր Աթոռ Սուրբ Էջմիածնում առավոտյան կատարվեց հանդիսավոր ժամերգություն, որի ավարտին Մայր Տաճարի առջև, հանդիսապետությամբ Ամենայն Հայոց Կաթողիկոսի և ներկայությամբ բազում մեծահասակ ու մանուկ հայորդիների, կատարվեց անդաստանի արարողություն, որի ընթացքին օրհնվեցին աշխարհի չորս կողմերը, ապա ուռենու ճյուղերը:

Անդաստանի արարողության ավարտին ներկա բոլոր մանուկները խմբվեցին Վեհափառ Հայրապետի շուրջը. կատարվեց մանուկների օրհնության հատուկ կարգ, ապա Նորին Սրբությունը, շնորհավորելով ու իր օրհնությունը բաշխելով ամենքին, մանուկներին տոնի առիթով հանձնեց նվերներ:

Այնուհետև շուրջ 250 մանուկներ մասնակցեցին Սուրբ Գրիգոր Լուսավորիչ կամարի առջև Մայր Աթոռ Սուրբ Էջմիածնի և ՀԲԸՄ հովանավորությամբ գործող հայորդյաց տների հոգևոր տեսուչ Տ. Խադ քահանա Ղազարյանի և հայորդյաց տների տնօրենությունների ջանքերով կազմակերպված կավճանկարի մրցույթին: Ազգային երաժշտության հնչյունների ներքո երեխաները կամարի առջև գտնվող հարթակն ամբողջությամբ ծածկեցին ազգային, եկեղեցական տարբեր թեմաներով իրենց գունագեղ ստեղծագործություններով: Նման մի մրցույթ նույն օրը, հավարտ Սուրբ Պատարագի, տեղի ունեցավ նաև Երևանի Սուրբ Գրիգոր Լուսավորիչ մայր եկեղեցու հարևանությամբ:

Տոնին Մայր Տաճարում մատուցվեց Սուրբ Պատարագ: Պատարագիչն էր Մայր Աթոռ Սուրբ Էջմիածնի լուսարարապետ Տ. Արարատ եպիսկոպոս Գալթագճյանը, ով տոնի խորհրդին անդրադարձավ իր քարոզում:

Հավարտ Սբ. Պատարագի Նորին Սրբության հանդիսապետությամբ վերստին կատարվեց մանուկների օրհնության կարգ:

###

post-28545-1175437883_thumb.jpg

post-28545-1175437914_thumb.jpg

post-28545-1175437950_thumb.jpg

post-28545-1175437972_thumb.jpg

post-28545-1175438030_thumb.jpg

Edited by MONK

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Ապրիլի 1, 2007թ.

Հոգեհանգստյան արարողություն Մայր Աթոռ Սուրբ Էջմիածնում

Ապրիլի 1-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի հանդիսապետությամբ մատուցվեց Սուրբ Պատարագ: Հընթացս Սուրբ Պատարագի կատարվեց հոգեհանգստյան պաշտոն հանգուցյալ ՀՀ վարչապետ Անդրանիկ Մարգարյանի հոգու խաղաղության համար:

Պատարագիչն էր Մայր Աթոռ Սուրբ Էջմիածնի լուսարարապետ Տ. Արարատ եպիսկոպոս Գալթագճյանը: Անդրադառնալով հոգելույս վարչապետի վաստակին` Սրբազան Հայրն իր խոսքում մասնավորաբար նշեց. ՙ...Անդրանիկ Մարգարյան մարդը իր բոլոր պաշտոններով հանդերձ մնաց նույնը` սիրալիր վերաբերմունք ցույց տալով բոլորին: ...Իր կյանքի ամեն հանգրվանին իր հավատը դույզն ինչ չափով չկորցրեց. հավատ, որն առավել զորացրեց իրեն և հույս ու կորով տվեց` շարունակելու իր ծառայությունը հայ ազգին և հայ պետականությանը:

...Այսօր վարչապետ Անդրանիկ Մարգարյանը մեկնել է մեզանից և բռնել այն ճամփան, որ տանում է դեպի հավիտենականություն, դեպի Աստված: Մենք վստահ ենք, որ նա իր արդար գործերով, բարի համբավով և այն սիրով, որով լցված էր իր նմանների նկատմամբ, պիտի վաստակի այն, ինչին արժանի է ամեն մի քրիստոնյա՚:

Սուրբ Պատարագին ներկա էին թեմակալ առաջնորդներ, Մայր Աթոռի միաբաններ, հանգուցյալ վարչապետի ընտանիքը, ԱԺ նախագահ Տիգրան Թորոսյանը, ՀՀ Կառավարության անդամներ, ԱԺ պատգամավորներ, բարեհիշատակ Անդրանիկ Մարգարյանի մերձավորներ և կուսակիցներ:

###

Share this post


Link to post
Share on other sites

Հրատարակութեան խնդրանքով

Ամերիկայի Արեւելեան Թեմէն ներս

ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ՎԱՐՉԱՊԵՏ ԱՆԴՐԱՆԻԿ ՄԱՐԳԱՐԵԱՆԻ ՀՈԳԻԻ ԽԱՂԱՂՈՒԹԵԱՆ ՀԱՄԱՐ

ՄԱՍՆԱՒՈՐ ՀՈԳԵՀԱՆԳՍՏԵԱՆ ՊԱՇՏՕՆ ՍՈՒՐԲ ՎԱՐԴԱՆ ՄԱՅՐ ՏԱՃԱՐԻՆ ՄԷՋ

Հայաստանի Հանրապետութեան վարչապետ Անդրանիկ Մարգարեանի յանկարծական մահը հոգեպէս ցնցեց թէ հայրենի եւ թէ արտերկրի համայն հայութիւնը:

Անդրանիկ Մարգարեան Կիրակի Մարտ 25-ին սրտի կաթուածով մահացաւ իր բնակարանին մէջ. ան 56 տարեկան էր:

Հայաստանի Հանրապետութեան վարչապետ ընտրուած էր 2000 թուականին« եւ եօթը տարիներ իր ուժերն ու կարողութիւնները ի սպաս դրած էր մեր ազատ ու անկախ հայրենիքի զօրացման եւ բարգաւաճման ի նպաստ:

Երբ մահուան լուրը Առաջնորդարան հասաւ« թեմակալ Առաջնորդ Գերշ. Տ. Խաժակ Արք. Պարսամեան մեծ յուզումով ըսաւ. ՙՎարչապետը հայրենասէր ու ազգասէր անձնաւորութիւն մըն էր. ան Հայ Եկեղեցւոյ հարազատ զաւակն էր: Որպէս նուիրեալ հասարակական գործիչ` ան հետապնդեց նորահաստատ Հանրապետութեան շահերը եւ ժողովուրդին բարօրութիւնը: Երիտասարդ էր. Հայաստանը« Հայ ժողովուրդն ու իր ընտանիքը տակաւին մեծ ակնկալութիւններ ունէին իրմէ. դժբախտաբար անոր հիւանդութիւնը կեանքի ընթացքը կրճատեց:՚

Առաջնորդ Սրբազան Հայրը յատուկ շրջաբերականով Թեմի բոլոր եկեղեցիներուն հրահանգեց որպէս զի Կիրակի Ապրիլ 1-ին Հոգեհանգստեան Պաշտօն կատարեն վարչապետ Անդրանիկ Մարգարեանի հոգիին համար:

Հինգշաբթի Մարտ 29« երեկոյեան ժամը 7:15-ին` Առաջնորդանիստ Ս. Վարդան Մայր Տաճարին մէջ տեղի ունեցաւ Հոգեհանգստեան Պաշտօն` նախագահութեամբ թեմակալ Առաջնորդ Գերշ. Տ. Խաժակ Արք. Պարսամեանի եւ ներկայութեամբ Հայաստանի Հանրապետութեան ԱՄՆ-ի արտակարգ դեսպան Տիար Թաթուլ Մարգարեանի« ՄԱԿ-ի մօտ մնայուն եւ լիազօր դեսպան Տիար Արմէն Մարտիրոսեանի« ինչպէս նաեւ շրջանի հոգեւորականներուն« եկեղեցական« ազգային եւ մշակութային կազմակերպութիւններու ներկայացուցիչներու եւ սգակիր հայրենակիցներու:

Հոգեհանգստեան արարողութեան երգեցողութիւնը կատարեցին Մայր Տաճարի դպրաց դասի անդամները` ղեկավարութեամբ Խորէն Մէյխանէճեանի եւ դանշամուրի ընկերակցութեամբ Ֆլորէնս Աւագեանի:

Իր դամբանական խօսքին մէջ Առաջնորդ Սրբազան հայրը ըսաւ.

ՙ Համայն Հայ ժողովուրդը« ի Հայաստան եւ ի սփիւռս աշխարհի« խորապէս կը սգայ Հայաստանի Հանրապետութեան կարկառուն վարչապետ Անդրանիկ Մարգարեանի յանկարծական մահը:

Երէկ« Մարտ 28-ին« ազգային յուղարկաւորութեամբ Կոմիտաս Պանթէոնին մէջ« եկեղեցական« կառավարական« պետական եւ բազմահազար թիւով հայրենակիցներու ներկայութեան հողին յանձնուեցաւ մեծ հայուն եւ հայրենասէր վարչապետին մարմինը: Այն վարչապետին` որ ամբողջ հոգիով ապրեցաւ ու գործեց Մայր Հայրենիքի այսօրուան եւ պայծառ ու բարգաւաճ ապագային ի նպաստ: Ան սիրուած ու յարգուած քաղաքագէտ մըն էր« որ ազգային կեանքին մէջ մուտք գործած էր 1970-ական թուականներէն: Հայ ժողովուրդի արդար իրաւունքներու պաշտպանութեան համար նոյնիսկ բանտարկուեցաւ սովետական իշխանութեան շրջանին: Բայց այդ բանտարկութիւնը արգելք չհանդիսացաւ որպէս զի ան ոգի ի բռին շարունակէ իր գործունէութիւնը: Իսկ Ղարաբաղեան պատերազմի տարիներուն իր գործօն մասնակցութիւնը բերաւ կամաւորական ջոկատներու կազմութեան« զէնք ու զինամթերք եւ սննդամթերք ղրկելու աշխատանքներուն« ինչպէս նաեւ անձնապէս մասնակցեցաւ պատերազմական գործողութիւններուն: Իսկ անկախ Հայաստանի Հանրապետութեան կերտման համար անխոնջ կերպով գործեց եւ իրագործման աշխատանքին բերաւ իր մեծ նպաստը:

Այսպիսի հայրենանուէր ու ազգանուէր վարչապետ մըն է որ կորսնցուց Հայ ազգը: Վարչապետ մը` որ միշտ մնաց իր սիրելի ժողովուրդի կողքին« անոր ցաւերն ու մտահոգութիւնները իր սեփական ցաւերուն եւ մտահոգութիւններուն վերածեց եւ ջանաց լուծումներ որոնել ու գտնել` բարելաւելու համար իր հայրենակիցներուն առօրեայ կեանքը:

Անրդանիկ Մարգարեան Հայաստանի Հանրապետութեան վարչապետի պաշտօնը ստանձնեց 2000 թուականին: Անոր վարչապետութեան շրջանին Հայաստանի արձանագրած նուաճումներուն եւ յաջողութիւններուն մէջ մեծ բաժին ունեցաւ ան: Հայաստանի պետականութեան զօրացման« բարգաւաճման ու բարօրութեան ի նպաստ ան իր ամբողջական ուժերն ու միջոցները չխնայեց:

Ճարտարագէտ« քաղաքագէտ եւ դիւանագէտ Մարգարեան միշտ մնաց համեստ ու բարի նկարագիրով հայը եւ մարդկային արժանիքներու տէր հասարակական գործիչը:

Ան երիտասարդ էր« 56 տարեկան« եւ Մայր Հայրենիքն ու Հայ ժողովուրդը մեծ ակնկալութեամբ տակաւին կարիքն ունէին իր խոհեմ առաջնորդութեան ու ղեկավարութեան:

Անդրանիկ Մարգարեան Հայ Եկեղեցւոյ հարազատ զաւակն էր. յարգանք ու պատիւ կը տածէր Հայ Եկեղեցւոյ եւ Մայր Աթոռ Ս. Էջմիածնի հանդէպ: Իր մօտիկ աշխատանքներուն շնորհիւ եկեղեցի-պետութիւն յարաբերութիւնները աւելի սերտացան եւ աւելի արդիւնաւորուեցան` միշտ բարձր պահելով Մայր Աթոռ Ս. Էջմիածնի վարկն ու պատիւը:

Հոգեկան գոհունակութիւն մը ունիմ որ Նիւ Եորքի մեր ժողովուրդը Առաջնորդարանիս հանդիսասրահին մէջ առիթը ունեցաւ հանդիպելու վարչապետ Մարգարեանին« ծանօթանալու անոր հետ եւ լսելու իր խօսքերն ու պատգամները: Շատերու ահամար բացառիկ պաետհութիւն մըն էր անձնապէս տեսնել Հայաստանի հանրապետութեան վարչապետը« մօտենալ անոր« ձեռանուիլ եւ բարեկամաբար զրուցել անոր հետ:

Հայաստան այցելութիւններուս ընթացքին բախտը ունեցած եմ քանիցս հանդիպելու Վարչապետին հետ« որուն մէջ նկատած եմ հայրենասիրութեամբ ու ազգասիրութեամբ բաբախող սիրտ մը« սիրտ մը` մտատանջ հայրենի եւ սփիւռքի իր հայրենակիցներու ցաւերով ու մտահոգութիւններով:

Վարչապետ Անդրանիկ Մարգարեանի յանկարծական մահուան առիթով Արեւելեան Թեմին անունով ցաւակցական նամակներ գրուած են Հայաստանի Հանրապետութեան Նախագահ Նորին Վսեմութիւն Ռոպէրթ Քոչարեանին« Ամենայն Հայոց Կաթողիկոս Ն.Ս.Օ.Տ.Տ. Գարեգին Երկրորդին եւ Հայաստանի Հանրապետութեան Պաշտպանութեան Նախարար Սերճ Սարգսեանին: Ինչպէս նաեւ հրահանգած ենք որ Կիրակի Ապրիլ 1-ին` մեր Թեմի բոլոր եկեղեցիներուն մէջ մասնաւոր Հոգեհանգստեան Պաշտօն կատարուի Անդրանիկ մարգարեանի հոգիի խաղաղութեան համար:

Աղօթենք որ Տէրը Իր երկնային լոյսերուն մէջ հանգեցնէ վարչապետ Անդրանիկ Մարգարեանի հայրենասիրութեամբ տոգորուած հոգին« եւ Ս. Հոգիի մխիթարութեամբ զօրացնէ Հայաստանի Հանրապետութեան կառավարական« քաղաքական« կրօնական ղեկավար դէմքերը« ինչպէս նաեւ հանգուցեալի հարազատները:՚

Իսկ Հայաստանի Հանրապետութեան ԱՄՆ-ի արտակարգ դեսպան Տիար Թաթուլ Մարգարեան նախ շնորհակալութիւն յայտնեց Առաջնորդ Սրբազան Հօր« ինչպէս նաեւ ներկաներուն` որոնք եկած էին իրենց յարգանքի տուրքը տալու Հայաստանի Հանրպետութեան վարչապետին: Ապա« տուաւ Անդրանիկ Մարգարեանի կենսագրական գիծերը` շեշտելով անոր հայրենասիրական եւ ազգասիրական գործունէութիւնները: Որպէս վարչապետ ան աշխատանք տարած է Մայր Հայրենիքի քաղաքական եւ ընկերային կեանքի բարելաւման« ան եղած է Հայ Եկեղեցւոյ պաշտպան եւ ընտանեկան սրբութիւններու պահպանութեան ջատագով: Դեսպան Մարգարեան հանգամանօրէն անդրադարձաւ Հայ քաղաքագէտի դիւանագիտական բարեմասնութիւններուն մասին եւ ցաւ յայտնեց անոր վաղաժամ մահուան առիթով:

Յաւարտ արարողութեան` ներկաները հրաւիրուեցան Առաջնորդարանի Հայկ եւ Ալիս Գավուքճեան հանդիսասրահը` ուր տեղի ունեցաւ ընդունելութիւն` Առաջնորդարանի Հայ Օգնութեան Ֆոնտի հիւրընկալութեամբ:

ԴԻՒԱՆ ԱՌԱՋՆՈՐԴԱՐԱՆԻ

Մարտ 30« 2007

Share this post


Link to post
Share on other sites

ՀՈԳԵՀԱՆԳՍՏՅԱՆ ՊԱՇՏՈՆ՝

ՎԻՐԱՀԱՅՈՑ ԹԵՄԻ ՀԱՅՈՑ ԵԿԵՂԵՑԻՆԵՐՈՒՄ

Գարեգին Բ Ամենայն Հայոց Կաթողիկոսի տնօրինությամբ, Վիրահայոց թեմի, ինչպես և աշխարհասփյուռ առաքելական բոլոր եկեղեցիներում, հավարտ Սուրբ և Անմահ Պատարագի կատարվեց հոգեհանգստյան պաշտոն՝ ի հիշատակ կյանքից վաղաժամ հեռացած ՀՀ վարչապետ Անդրանիկ Մարգարյանի:

Թբիլիսիի Սուրբ Գևորգ առաջնորդանիստ եկեղեցում պաշտոնն անցավ հանդիսապետությամբ թեմի առաջնորդ Տ.Վազգեն եպիսկոպոս Միրզախանյանի և մասնակցությամբ տեղի հոգևոր դասի: Իրենց ներկայությամբ ու աղոթքով Անդրանիկ Մարգարյանի հիշատակը հարգեցին ՀՀ արտաքին գործերի նախարարի առաջին տեղակալ Գեղամ Ղարիբջանյանը, Վրաստանում ՀՀ արտակարգ և լիազոր դեսպան Հրաչ Սիլվանյանը, Վրաստանի Հայերի Միության նախագահ Հենրիխ Մուրադյանը, բազմաթիվ հավատացյալներ: Հընթացս արարողակարգի, Սրբազան Հայրն իր մխիթարանքը բերեց նորոգ հանգուցյալի ընտանիքին, գործընկերներին ու Հայաստանի կառավարությանը: Նա արժևորեց այն մեծ ներդրումը, որն ունեցավ ազգային, պետական ու քաղաքական գործիչ Անդրանիկ Մարգարյանը՝ Հայաստանի պետականության կայացման գործում: Վազգեն Սրբազանը երախտագիտությամբ խոսեց վիրահայ համայնքին ու Եկեղեցուն հուզող հիմնախնդիրների նկատմամբ երջանկահիշատակ Վարչապետի կողմից ցուցաբերվող գործուն ուշադրության մասին:

Հոգեհանգստյան արարողություններ կատարվեցին նաև Բաթումիի Սուրբ Փրկիչ և Սամցխե-Ջավախքի փոխառաջնորդության հայոց եկեղեցիներում: Ախալքալաքի Սուրբ Խաչ եկեղեցում արարողությունն անցավ նախագահությամբ առաջնորդական փոխանորդ Տ. Բաբգեն աբեղա Սալբիյանի: Արարողակարգերին ներկա էին տեղական իշխանության մարմինների ղեկավարներ և բազմահոծ հայորդիներ:

ՀԱՅ ԱՌԱՔԵԼԱԿԱՆ ՍՈՒՐԲ ԵԿԵՂԵՑՈՒ ՎԻՐԱՀԱՅՈՑ ԹԵՄ

փող. Սամղեբվրո թիվ 5, Թբիլիսի, Վրաստան, 0114

Հեռախոս` 00 995 32 75 41 11

Ֆաքս` 00 995 32 75 17 90

Բջջային` 00 995 99 41 34 74

Էլ.փոստ` [email protected]

post-28545-1175531371_thumb.jpg

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Ապրիլի 3, 2007թ.

Մայր Աթոռի միաբանները մեկնեցին Երուսաղեմ

Ապրիլի 3-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնից Երուսաղեմի Հայոց Պատրիարքություն մեկնեցին Շիրակի թեմի առաջնորդ Տ. Միքայել եպիսկոպոս Աջապահյանը, Արմավիրի թեմի առաջնորդ Տ. Սիոն եպիսկոպոս Ադամյանը, Տ. Թադեոս վարդապետ Զիրեկյանցը, Տ. Հովակիմ վարդապետ Մանուկյանը և Տ. Գաբրիել աբեղա Սարգսյանը:

Երուսաղեմում Մայր Աթոռի միաբանները կմասնակցեն Ավագ Շաբաթվա և Հիսուս Քրիստոսի Սուրբ Հարության տոնի սրբազան արարողություններին:

###

Share this post


Link to post
Share on other sites

Մայր Աթոռ Ս. Էջմիածին

Տեղեկատվական Համակարգ

Հեռ.: (374 10) 517 128

Հեռատիպ: (374 10) 517 301

Էլ-փոստ: [email protected]

Տնօրեն` Տ. Վահրամ քհն. Մելիքյան

ՀԱՂՈՐԴԱԳՐՈՒԹՅՈՒՆ

Ապրիլի 18, 2007 թ.

Ամենայն Հայոց Կաթողիկոսը շնորհավորել է

Հռոմի Պապ Բենեդիկտոս ԺԶ-ին

Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը շնորհավորական գիր է հղել Հռոմի Պապ Նորին Սրբություն Բենեդիկտոս ԺԶ-ին ` ծննդյան 80-ամյա տարեդարձի առիթով:

ՙՄենք վստահ ենք, որ Ձեր առաջնորդությամբ Հռոմեական Կաթոլիկ Եկեղեցին իր բազմադարյա առաքելության ներկայիս ժամանակագրության մեջ կարձանագրի նոր հաջողություններ, և ջերմ ու եղբայրական հարաբերությունները Հայաստանյայց Առաքելական և Հռոմեական Կաթոլիկ եկեղեցիների միջև կշարունակեն զարգանալ: Մեր աղոթքն է, որ մեր Եկեղեցիների միջև համագործակցությունն ու բարեկամությունը առավել ամրապնդվեն այս նոր դարաշրջանում` մեր հավատացելոց սրտերում քրիստոնեական սիրո և եղբայրության ոգու զորացմամբ՚,- ասված է Վեհափառ Հայրապետի շնորհավորական ուղերձում:

Նորին Սրբությունը մաղթել է 80-ամյա Սրբազան Քահանայապետին քաջառողջություն և արդյունաշատ գահակալություն ի մխիթարություն հավատավոր իր հոտի և ի պայծառություն Կաթոլիկ Եկեղեցու:

###

Share this post


Link to post
Share on other sites

ԳՈՒԳԱՐԱՑ ԹԵՄՈՒՄ

ՈՒԽՏԴ Ի ԿԱՏԱՐ, ՈՒԽՏԱՎՈՐ

Ապրիլի 17-ին Սուրբ Հովհան Օձնեցու ուխտի օրն էր

Գուգարաց թեմում ամեն տարի ապրիլի 17-ին հանդիսավորությամբ նշվում է տարածաշրջանի միակ սուրբի` Հովհան Օձնեցի հայրապետի ուխտի օրը:

Այս տարի ևս Գուգարաց թեմի առաջնորդ Տեր Սեպուհ եպս. Չուլջյանի օրհնությամբ և առաջնորդությամբ հարյուրավոր ուխտավորներներ Օձունում մասնակցեցին սուրբի հիշատակմանը նվիրված Պատարագին և ապա այցելեցին Արդվիում գտնվող սուրբ հայրապետի շիրիմին:

Վանաձորից, Սպիտակից, Ալավերդուց, Մարգահովտից մոտ 300 ուխտավորներ իրենց հոգևոր հայրերի առաջնորդությամբ առաջինը հանգրվանեցին Օձունի Ս. Աստվածածին եկեղեցում, ուր հաղորդությամբ մասնակից դարձան սուրբ և անմահ Պատարագին: Արարողության ավարտին կատարվեց ՎՊՄԻ-ի 20 ուսանողների մկրտությունը` կնքահայրությամբ ՎՊՄԻ-ի ռեկտոր, Վանաձորի Ս. Գր. Նարեկացու խաչքավոր Գ. Խաչատրյանի: Ծիսական արարողությանը հաջորդեց ժողովրդական տոնախմբությունը. օձունցիները երգ ու պարով, գյուղապետ Մ. Այվազյանի կողմից մատուցված մատաղով նշանավորեցին տոնական այս օրը: Օձունի դպրոցի սաների պատրաստած զատկական հանդիսությունը, երաժշտական համարները տոնական տրամադրություն և ցնծություն պարգևեցին ներկաներին, իսկ:

Օձունից ուխտավորները մեկնեցին Արդվի, ուր ամփոփված է սուրբ Հովհան Օձնեցու աճյունը: Սրբազան հոր գլխավորությամբ և հոգևոր հայրերի մասնակցությամբ սուրբի շիրիմին կատարվեց մաղթանքի արարողություն, և ապա ուխտավորները հայցեցին սուրբի բարեխոսությունը:

Թեմակալ առաջնորդ Սրբազան հայրը, իր հայրական օրհնությունը և բարեմաղթանքները հղելով բոլոր ուխտավորներին, ևս մեկ անգամ կարևորեց ուխտագնացությունը` որպես երիտասարդության հոգևոր դաստիարակության և բարոյական կերպարի կերտման լավագույն միջոցառում:

Ուխտդ ի կատար, սիրելիուխտավոր:

Աստղիկ Ասրյան

post-28545-1177319576_thumb.jpg

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0