Միգուցե ձեզանից մեկը գիտի ով է այս բանաստեղծության հեղինակը.
Նախօրոք շնորհակալություն.
Դու եկել ես նորից,
Իսկ անջատման օրից տարիներ են անցել.
Քեզ հիշել եմ թեկուզ,
Բայց վարդերը հոգուս ուրիշինն են դարձել.
...
Թեև քեզ եմ նույնպես թաքուն հիշել հոգիս
Գնա, սակայն, գնա, իզուր էլ մի մնա,
Մի բորբոքիր հոգիս.
Լայն էր ծովը սիրուս,
բայց անզոր էր լեզուս պատմել ծովի մասին.
Դու չտեսար, ափսոս,
Իմ տարերքը անխոս
փրփուր տեսար դու սին.
Կուզենայի, որ , ախ, այնպես մեղմ ու խաղաղ
Անվերջ նստեիր կողքիս,
Գնա, սակայն, գնա
Իզուր էլ մի մնա
Մի բորբոքիր հոգիս.
Դու եկել ես նորից.
Իսկ անջատման օրից տարիներ են անցել,
Ինչ հնարքով արդյոք
Բացել սիրտս բորբոք և ում համար բացել.
Դու ապրում ես ու կաս,
Ոչինչ չկա պակաս խինդի համար կյանքիս,
Բայց, ախ, գնա՛, գնա՛
Իզուր էլ մի մնա,
Մի բորբոքիր հոգիս.
