Karmir Posted January 14, 2007 Report Share Posted January 14, 2007 Պետբյուջեի հատկացումներով կթվայնացվի Ազգային արխիվում պահվող 1350 վավերագրական ֆիլմ Հայաստանի Հանրային Ռադիո, 13.12.2006 14:51 Հայաստանի ազգային արխիվի կինոֆոտոփաստաթղթերի մասնաճյուղում պահպանվող 2000 վավերագրական ֆիլմերից 1350-ը նախատեսվում է թվայնացնել 2007-2010 թ.թ. ՀՀ պետբյուջեի հատկացումներով: Ինչպես «Արմենպրես»-ին տեղեկացրել է ՀՀ ազգային արխիվի տնօրեն Ամատունի Վիրաբյանը, յուրաքանչյուր տարի պետբյուջեից 450 ֆիլմի թվայնացման համար կհատկացվի 66 մլն դրամ: Ընտրվել են այն ֆիլմերը, որոնք առաջնահերթ թվայնացվելու կարիք ունեն: Աշխատանքների իրականացման համար «Գնումների մասին» օրենքով կհայտարարվի մրցույթ: Նշենք, որ «Հայֆիլմ» կինոստուդիայի սեփականատեր «Սի Էս Ֆիլմ» ընկերությունը ՀՀ կառավարության հետ կնքած պայմանագրի համաձայն՝ պարտավորվել է երեք տարվա ընթացքում անհատույց թվայնացնել «Հայֆիլմի» նկարահանած 396 գեղարվեստական, վավերագրական, խաղարկային, ինչպես նաեւ «Հայֆիլմի» եւ այլ ստուդիաների համատեղ նկարահանած 50 խաղարկային, 11 մուլտիպլիկացիոն եւ երեք վավերագրական ֆիլմեր՝ թվայնացված երկու օրինակով հանձնելով Ազգային արխիվին: Ամատունի Վիրաբյանի հավաստմամբ, սակայն, մեկ տարվա ընթացքում «Սի Էս Ֆիլմ» ընկերությունը թվայնացրել է ընդամենը ութ ֆիլմ: Quote Link to post Share on other sites
Recommended Posts
Join the conversation
You can post now and register later. If you have an account, sign in now to post with your account.