Admin Posted February 11, 2008 Report Share Posted February 11, 2008 Quote Link to post Share on other sites
rainbow Posted February 14, 2008 Author Report Share Posted February 14, 2008 Տարածվել էր գիշերը երակներիս մեջ, Բայց սերը ուժ գտավ՝ մթին տիեզերքն իմ արթնացնելու, Հիմա ամեն վարկյանս սեր է՝ «Ես սիրում եմ քեզ» Սիրտս քո անվամբ է զարկում ու զարկելու: Սերը հաղթց խաբկանքը, Սերը գույնեց իմ կյանքը՝ Հիմա երազներն իմ քեզ են պատկանում. Ու սերն իմ ՝ինչպես այս այգածագը Այսօր եվ ընդմիշտ Ես քեզ եմ նվիրում… Quote Link to post Share on other sites
rainbow Posted February 15, 2008 Author Report Share Posted February 15, 2008 Սրտիս զարկերը մի լսիր՝ Լոկ կայծ եմ, Շքեղ մեղքը սիրո մերժիր, մերժիր՝ Այս ամենը խայծ է: Ես ինձ հավերժ փակել եմ սիրո առաջ՝ Անզոր է արեվդ՝ Էլ չեմ սիրի ինչպես առաջ... Սովորիր լսել քարի շնչառությունը, Նրա կարծր հառաչը զգա ու նոր քարկոծիր՝ Ես քո առաջ կանգնած եմ , անիծված եմ , Թե զորու է կամքդ՝ սիրտը իմ խոցիր, Բայց թե դողում է դեռ սերը քարի ներսում՝ Կանչիր ինձ ու ես քո մոտ կգամ: Խենթս , ախ խենթս միթե դու չես զգում, Որ ես քո համար լոկ կամ Quote Link to post Share on other sites
Admin Posted February 17, 2008 Report Share Posted February 17, 2008 Quote Link to post Share on other sites
rainbow Posted February 18, 2008 Author Report Share Posted February 18, 2008 Դու հեռացար՝ Լուսինը իմ՝ քո հոգում, Չափսոսեցիր, չասեցիր, ախ, Ու՞մ եմ ես նրան թողնում, Իսկ ես անցա, Ես հաղթեցի անհաղթելին, Դժվար էր ,բայց ես հասկացա՝ Այս սիրո վերջը Իմ սկիզբն էր սե՛ր իմ... Ես անկարող եմ քեզ ասել մնա՝ Սերը բեկորվել է Եվ քո որոշման մեջ սպանող ոչինչ չկա Գնա՝ ես քեզ ներել եմ . Թե թեքվել է սերը դեպի մայրամուտ՝ Արձակիր հուշի աղավնիները, Հիշիր՛ առաջինն է ճիշտ հեռացողներից երկու՝ Դու ճիշտ եղիր, Իսկ ինձ արդեն մեկ է... Quote Link to post Share on other sites
rainbow Posted February 26, 2008 Author Report Share Posted February 26, 2008 Ուղղարկում եմ քեզ գարնան շնչառությունը՝ Հույզի անշուք այս ծրարում Եվ նրանում Դաջում եմ ես իմ տաք համբույրը, Որն հազար էլք ու խոստում ունի դեպի գարուն: Սերը սառցե բավիղներում Չի մոլորվի ես դա գիտեմ, Այն քեզ կհասնի Ես հավատում եմ… Գարունը բացում է վարագույրը իր՝ Աչքերդ փակիր՝ Սերը քո սրտին նոր բախյուն է հորինել. Եվս մեկ զարկ, Էլի մի թրթիռ Եվ դու դեռ կարող ես ամեն ինչ ետ բերել: Ծագեցնում է գարունը լույսը քո սրտի, Որ հույզը թարթվի, Որ թերթվեն անցյալի ստվերները անթեվ. Կգամ ես, դու միայն ձայնիր՝ Սիրուն մեր վայել է գարունն այս վայելել… -Սիրտս սրտիդ ժապավենող անուրջներում Հյուր է գալու նոր մի գարուն, Պատրա՞ստ ես դու Հույզերի հետ նույնանալուն. -Ես պատրաստ եմ ամեն ինչի Սիրույն հանաուն. Մեր երազը թե չպաղեց ցուրտ ձյուներում՝ Ուրեմն օրհնյալ է Ես ոչնչից չեմ վախենում Quote Link to post Share on other sites
rainbow Posted March 27, 2008 Author Report Share Posted March 27, 2008 Սերն իմ խոհերին ընծայում է ձեվ, Սերն ինձ բերում է ներդաշնակություն, Թափվի՛ր, թափվի՛ր անձրեվ՝ Թրթիռը սրտիս իբրեվ հուր մակույկ Քո ծովերին եմ հանձնում: Սերը ինչպես լույս ծիածան Ինձ դարձել է վերից ընծա ՝ Շնորհակալ եմ քեզ սեր, Որ իմ սրտում ծիածանից ծիածան Բացել ես այգաբացի գաղտնիքները անսահման… Quote Link to post Share on other sites
Admin Posted March 27, 2008 Report Share Posted March 27, 2008 Bari veradarts Quote Link to post Share on other sites
rainbow Posted March 31, 2008 Author Report Share Posted March 31, 2008 Bari veradarts Շնորհակալ եմ Շուրթե շուրթ լեցուն քո խոստումների հաշիշով, գինով Իմ կյանքը այսօր հիացիկ ու հաշտ դաշներգություն է Սիրո եվ հույզի. Դեռ զով սարսուռ կա իմ երակներում Սակայն սիրո փոքրիկ այս նավակում՝ Սիրտս հոսում է `քո գիրկը գարուն: Ես իմ երգով եմ այսօր քեզ երդվում. Դեռ հազար լիալուսին խոնարհվի պիտի Նոր օրվա քաղցր խոստումի առաջ, Քեզ հետ կյանքը իմ տոն է գույների՝ Կանչ է ու կարկաչ. Ասեղնագործ վարագույր է անձրեվը կախել Երազանքների սահմանագծին, Ու ես ըմպում եմ գինին անձրեվի քո թասով ՝ աստված,.. Գարունը կյանքի գաղտնաբառն է իմ՝ Երջանկության այգը նոր բացված…. Quote Link to post Share on other sites
rainbow Posted April 8, 2008 Author Report Share Posted April 8, 2008 Ճերմակն այս թղթի Ինձնից աղերսում է կապույտ զարկեր, զարկեր,զարկեր... Խնդրում է ինձնից բանաստեղծություն. Ուզում է արյանս հունը խեղել, շեղել թաղծից, Սանձված հանգերի ոսկե կառքերով՝ հատելով հեռուն: Ճերմակն այս թղթի Թող քեզ էլ հուշի,որ Սերը երկում դառնում է նոր զարկ, Թույլ տուր , որ սերը՝ իմ երկով քեզ փոխի Քո արձակ կյանքին տլով խաղ ու հանգ... Քո ձեռքերի, տաք ձեռքերի հոսքում հրե Մոռացել էի, որ իմ ներսում դեռ հույզերի ցուրտ ձմեռ է, Բայց սրտիդ թրթիռը մի հզոր հրթիռ էր, Որն ինձ դեպի գարուն բերեց: Թվաց ՝սերը գտել եմ, Թվաց՝ անհնար է սիրել ավելի, Սակայն սիրելիս Քո ձեռքերի, տաք ձեռքերի հոսքում հրե Պարզապես զարթնել էին հուշերը հյուլե: Երջանկության եզրով՝ Ինչպես եզրով շեղբի Սուրացին մտքերս դեպի քո հեռուն, Սակայն այդ հեռուն այնքան հեռու էր ախր, Որ ես նորից մոլորվեցի հույսի առանցքներում, Ու լույսը էլի, էլի ուշացավ՝ Ստիպելով սրտիս վարժվել խավարին. Հերթական անգամ սերը մոտ եղավ, Բայց բախտի կամուրջները մեր դեմ ծալվեցին... Երջանկության եզրով՝ Ինչպես եզրեվ շեղբի Սուրացին մտքերս, Բայց զուր մարեն պիտի... Quote Link to post Share on other sites
rainbow Posted April 28, 2008 Author Report Share Posted April 28, 2008 Մկրտում են օդը կռունկները սեվ՝. Սեր՝մեկնիր ինձ վրձինդ, մայիս է եկել… Բաց արա ամպե վարագույրդ լույս, Եվ մի քիչ արեվ ,արեվ տուր հոգուս. Իմ կրծքի տակ հիմա թիթեռի սիրտ է հեվում՝ Տուր ինձ գույներ՝երջանկությունը պատկերելու… Մկրատում են օդը ծիծեռնակները սեվ. Սեր՝ մեկնիր ինձ վրձինդ, մայիս է եկել… Թախիծը բեկվել,ուռենու պես թեքվել՝ Իր գանգուրներն է գետում լվանում՝ Տուր ինձ հնչյուններ՝ Լռությունը որոտով արթնացնելու… Սիրելու համար ես դեռ թույլ եմ , սե՛ր, Խոցելի է սիրտս, Դեռ թափանցիկ եմ շատ. Չսիրելուս համար ՝դու կարող ես ինձ չներել, Սակայն իմ ներսում կիսավեր, կիսատ Մատուռ կա հույսի, Որը ,սիրելիս, ուրիշ անուն ունի: Սիրելու համար ես շատ եմ համառ, Դեռ շատ եմ վայրի՝ Ինձ մի մեղադրի… Արթնացավ ալ հորիզոնը Ու արեվը երկնեց օդում Ծիրանագույն խաղաղություն… Ասես հենց նոր եզերքում ծով՝ Վարդե հրդեհ էր բռնկվել, Ու ես վարդոտ իմ ծածկոցով՝ Ծեգի հետ հաշտ Հրե ծեսի էի բռնվել. Արթնացավ ալ հորիզոնը Ու արեվը երկնեց օդում Ծիրանագույն բանաստեղծություն… Բաց արա այսօր Վարագույներն արշալույսի , Որ հույսը հոսի Երակներիդ մեջ. Բավ է քեզ քո դերը մենախոսի՝ Դու մենակ չէս, դու մենակ չես…. Quote Link to post Share on other sites
rainbow Posted May 3, 2008 Author Report Share Posted May 3, 2008 Սի՛րտ, կայծիր էլի, Այրիր արյունս հյուլե առ հյուլե՝ Ես ուզում եմ երանելի Սիրո հրով հրավառվել... Սիր՛տ, կայծիր էլի, Ինձ մեկել տուր վարդագունակ երանություն, Որ ես այրվեմ Քո համբույրի մեղրոտ բոցում... Կայծիր, օ սիր՛տ, Որ ես կարծեմ,թե ձին բախտի ու բախտության Սանձահարված է, Որ երեկս՝ դա թաղծի վերջին վրձնահարվածն էր Եվ էլ չեմ զգա դատարկություն: Սիրո առաջ թե կիսաբաց էի՝ Հիմա ես մերժում եմ ամեն սահմանում: Կայծիր՛, առանց սակայն ու բայց՝ Մոխրանալուց անգամ էլ չեմ վախենում... Quote Link to post Share on other sites
Admin Posted May 4, 2008 Report Share Posted May 4, 2008 Mayisyan tonert shnorhavor. Quote Link to post Share on other sites
rainbow Posted May 5, 2008 Author Report Share Posted May 5, 2008 Mayisyan tonert shnorhavor. Շնորհակալ եմ , քո տոներն էլ շնորհավոր -Կյանքը պարզապես ծոփք է գույների, Նույնն է ու թերի՝ Թե հոգով անհաս էս սիրո բերկրությանը, Եթե կամենում ես ծիածան լինի ՝ Պիտի լսես անձրեվաձայնը, Թեչե անհույս գամվելով մենությանը՝ Տիեզերքդ աստղաթափ կլինի… -Դու ճիշտ ես, առանց սիրո ողջն անիծյալ է, Առանց սիրո մարդը չնչին ածանցյալ է, Եվ անկարող է նավակով խարխուլ օվկիանը հատել, Ես բացում եմ հոգու փոքրիկ իմ պատուհանը՝ Երկինքն այսօր անձրեվ է խոստացել…. Quote Link to post Share on other sites
rainbow Posted May 7, 2008 Author Report Share Posted May 7, 2008 Վարագույրի ծոփքի մեջ զով՝ Թարթվում են լույսերը էջ առ էջ. Լուսաբաց է,հրաշեկ ծով՝ Արթնացի՛ր, սեր իմ, ես սիրում եմ քեզ Քո երազի ժապավեններն ընդհատված՝ Գանգուրվել են սավանների ճերմակում. Աչքերդ բա՛ց՝ Ես քեզ խոստանում եմ արթմնի երջանկություն: Լուսաթաթախ,թաց, թափանցիկ Քանի քնած է քաղաքը մեծ, Թող աղավնին իմ ուղղարկած՝ Առաջրինը իմ բարեվը հասցնի քեզ… Quote Link to post Share on other sites
SAS Posted May 7, 2008 Report Share Posted May 7, 2008 rainbow, հայերենում «ծոՓք» նշանակում է՝ Ծոփաց աշխարհ(Չորրորդ Հայք ), հունարեն՝ Սոֆենա: Ուստի վարագույրը երբեք ծոՓք չի կարող ունենալ, բայց կարելի է զարդարել ծոՊերով(бахрома): Գուցե՞՝ Վարագույրի ծոփքի մեջ զով = Վարագույրի ԾՓԱՆՔԻ(колыхание\волнение) մեջ զով Կա՞մ՝ Վարագույրի ծոփքի մեջ զով = Վարագույրի ծալքերի մեջ զով(в прхладных складках штор) Կա՞մ՝ Վարագույրի ծոփքի մեջ զով = Վարագույրի ծոպերի մեջ զով : Quote Link to post Share on other sites
rainbow Posted May 7, 2008 Author Report Share Posted May 7, 2008 rainbow, հայերենում «ծոՓք» նշանակում է՝ Ծոփաց աշխարհ(Չորրորդ Հայք ), հունարեն՝ Սոֆենա: Ուստի վարագույրը երբեք ծոՓք չի կարող ունենալ, բայց կարելի է զարդարել ծոՊերով(бахрома): Գուցե՞՝ Վարագույրի ծոփքի մեջ զով = Վարագույրի ԾՓԱՆՔԻ(колыхание\волнение) մեջ զով Կա՞մ՝ Վարագույրի ծոփքի մեջ զով = Վարագույրի ծալքերի մեջ զով(в прхладных складках штор) Կա՞մ՝ Վարագույրի ծոփքի մեջ զով = Վարագույրի ծոպերի մեջ զով : Ես ինկատի ունեի Ծոփք-Ծփանք,բայց գուցե անհաջող բառախաղ էր, դուք ճիշտ եք, շնորհակալ եմ Quote Link to post Share on other sites
Recommended Posts
Join the conversation
You can post now and register later. If you have an account, sign in now to post with your account.