Sign in to follow this  
Followers 0
Napik

Տաթև Քերոբյան` երիտասարդ ստեղծագործ տաղա

4 posts in this topic

Այսօր` նոյեմբերի 10-ին, Սարյան փողոցի վրա գտնվող Բյուրոկրատ գրախանութի սրահում կայացավ Տաթև Քերոբյանի` երիտասարդ ստեղծագործ տաղանդի նկարների ցուցահանդեսը: Մենք ներկա գտնվեցինք ցուցահանդեսի բացմանը և հարցազրույց ունեցանք նկարչուհու հետ:

-Ո՞ր տարիքրց եք սկսել ստեղծագործել:

-Նկարել սկսել եմ շատ վաղ տարիքից, 3-4 տարեկանում: Այդ վաղ տարիքում նկարելու ձգտումն իմ մեջ առաջացել է մեծ քրոջս շնորհիվ, ով նույնպես շատ լավ նկարում է, մասնագիտությամբ դիզայներ է և այժմ ապրում է Իտալիայում: Հենց նա է ինձ ուղեկցել արվեստի աշխարհ:

-Ո՞րն է եղել Ձեր առաջին նկարը:

-Մի փոքր դժվարանում եմ հենց առաջին նկարս հիշել, բայց հիշում եմ, որ մանուկ հասակում շատ էի սիրում նկարել մուլտֆիլմերի հերոսներին:

-Որտե՞ղ եք սովորել նկարել և մասնագիտական ուսում ստացել:

-Սկզբում սովորել եմ Հակոբ Կոջոյանի անվան նկարչական դպրոցում՝ Հայաստանում, այնուհետև, երբ ընտանիքով տեղափոխվեցինք Մոսկվա, ընդունվեցի և ավարտեցի Սերովի անվան նկարչական դպրոցը, իսկ այժմ սովորում եմ այստեղ՝` Հայաստանում, Գեղարվեստի ակադեմիայի մագիստրատուրայի առաջին կուրսում:

-Ո՞վ է Ձեր ամենասիրելի նկարիչը:

-Իմ ամենասիրելի նկարիչը Դալին է, նրա նկարները պարզապես հիասքանչ են:

-Ի՞նչն է Ձեզ ոգեշնչում:

-Ինձ համար ոգեշնչման աղբյուր է երաժշտութոյւնը, գրեթե բոլոր նկարներս նկարված են երաժշտության ներքո, ստեղծագործում եմ հատկապես Քուինի երգերի ուղեկցությամբ:

-Ինչու՞ եք ընտերել ստեղծագործելու հենց այս ոճը:

-Ստեղծագործելու այս ձևի մեջ ինձ ամենից շատ գրավում է դրա ակնթարթային լինելը, այսինքն ապագա ստեղծագործության տեսքը կախված է հենց այդ պահին ներկը "ցփնելուց": Երբեք չես կարող կանխատեսել, թե ինչ կստացվի, թեև նախօրոք արդեն որոշել ես` ինչ ես ուզում նկարել:

-Ո՞րն է Ձեր ստեղծագործություններից ամենասիրելին Ձեզ համար:

-Իմ ամենասիրելի նկարը Դալիի նկարն է, այն ինձ ամենաշատն է դուր գալիս: Այսօր էլ ցուցադրված է այստեղ:

-Ի՞նչպես ստեղծվեց այս հավաքածուն:

- Միշտ ցանկանում էի կազմակերպել նման մի բան, բայց երբեք համարձակութոյւնս չէր հերիքում: Վերջին տարվա ընթացքում փորձեցի գտնել իմ ոճը, ինչի արդյունքում էլ հենց այս հավաքածուն ստեղծվեց: Ցուցադրված նկարները նկարել եմ մեկ տարվա ընթացքում:

-Ինչի՞ վրա եք այժմ աշխատում:

-Կասեմ, որ այժմ նոր միտք ունեմ, սակայն դեռևս չեմ ցանկանում այն բարձրաձայնել, թող որ անակնկալ լինի:

-Եվ ի՞նչ կավելացնեք վերջում:

-Կցանկանայի, որ Հայաստանում էլ արվեստը դառնա մարդկանց ավելի հասանելի, ինչպես այլ երկրներում է, և ուզում եմ, որ մարդիկ արվեստիը դիտեն բոլոր տեսակի կաղապարներից դուրս և մի փոքր էլ հումորով:

Տաթևի մասին մեզ հետ մի փոքր զրուցեց նաև վերջինիս մայրիկը, ասաց, որ նկարելու հանդեպ սերը վաղ մանկության հասակում արտահայտվել է Տաթևի մոտ և եղել է իր ընտրությունը, իսկ ինքը որպես մայր միշտ սատարել է նրան և փորձել է օգնել բարդ իրավիճակներում:

Տաթևի նկարներն ուսումնասիրելիս մեզ շատ հետաքրքրեց, թե կոնկրետ ինչ ոճ է սա և ինչպես է կոչվում: Այդ հարցում մեզ օգնության հասավ Աթայան Արթուրը, ով ապագա արվեստագետ է, սովորում է Գեղարվեստի ակադեմիայի մագիստրատուրայում: Վերջինս մեզ բացատրեց, որ Տաթևն օգտագործում է մասսայական մշակույթի տարատեսակ նշաններ: Մի նկարում նա համադրում է և աբստրակտը և կոլաժը և շատ այլ էլեմենտներ` կախված կոնկրետ նկարի թեմատիկայից: Նրա մոտ շատ ուժեղ է նկարի ստեղծման պահի արտացոլումը: Արթուրի սուբյեկտիվ կարծիքով Տաթևը կարողանում է բավականին հաջող աշխատանքներ ստեղծել` համադրելով այդ բոլոր տարրերը:

Ցուցադրությանը ներկա էր նաև նկարիչների միության նախագահ Կարեն Աղամյանը, ով ևս գնահատական տվեց Տաթևի աշխատանքին և կիսվեց մեզ հետ իր տպավորություններով.«Ընդհանուր առմամբ Տաթևի աշխատանքները հետաքրքիր են: Ինձ շատ է դուր գալիս, որ նա շատ աշխատասեր է և արդեն գտել է իր ոճը, ինչը խոսում է նրա հասունության մասին: Նա ունի և շատ հաջող գործեր և այնպիսիք, որոնք կարող էին ավելի լավը լինել: Կցանկանայի նրան խորհուրդ տալ նկարել ավելի իրական կերպարներ, ոչ թե ինտերպրիտացիա անել լուսանկարներից: Բարձրարժեք արվեստին հասնելու համար սա դեռ բավարար չէ: Սակայն, այնուամենայնիվ գնահատում եմ Տաթևի համարձակությունը, քանի որ նա դեռ ուսանող է, սակայն արդեն անցկացնում է ցուցահանդես, ինչն այնքան էլ հեշտ բան չէ: Նա ունի շատ աշխատանքներ, ինչը խրախուսելի է, այս ցուցահանդեսը գնահատում եմ բավականին դրական»:

Տաթևին շնորհավորելու էին եկել շատ հյուրեր, հարազատներ ու ընկերներ: Հաջողություն մաղթենք երիտասարդ նկարչուհուն և հուսանք, որ նա իր աշխատանքներով հայկական արվեստը կդարձնի շատ ավելի հարուստ ու գեղեցիկ:

Ցուցահանդեսին ներկա էր նաև artisto.am կայքի ղեկավարությունը,ովքեր Տաթևին համագործակցության առաջարկություն արեցին,ուստի դուք շուտով կտեսնեք մեր համագործակցության արդյունքները:

Նշենք նաև, որ artisto.am նախագիծը սատարում և օգնում է երիտասարդ և տաղանդավոր արվեստագետներին: Հուսով ենք,որ կարճ ժամանակում artisto.am-ը համագործակցություն ձեռք կբերի ավելի շատ երիտասարդ արվեստագետների հետ:

post-30451-1352579318.jpg

post-30451-1352579332.jpg

post-30451-1352579357.jpg

post-30451-1352579369.jpg

post-30451-1352579377.jpg

post-30451-1352579395.jpg

Share this post


Link to post
Share on other sites

Моя младшая сестра :flower:

Share this post


Link to post
Share on other sites

Удачи Татевик!

Share this post


Link to post
Share on other sites

Жаль что я не узнала об этом раньше, обязательно бы пошла посмотреть. Значит старшая дизайнер. Дизайнер чего?

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0