Jump to content

ՁՕՆԵՐ


Recommended Posts

ՁՕՆ ՀՈՂԻՆ

Օ ՄԱՅՐ ԲՆՈՒԹՅԱՆ ՊԱՅՄԱՆ ԱՐԱՐՄԱՆ

ԲԱՆԱԿԱՆՈՒԹՅԱՆ ԼՈՒՅՍԻ ԻՋԵՎԱՆ

Օ ԿՅԱՆՔ ԷՈՒԹՅԱՆ, ՀԻՄՔ ԾԼԱՐՁԱԿՄԱՆ

ԿՐԱՎՈՐԱԿԱՆ ԿԵՆԱՑ ՕԹԵՎԱՆ:

Օ ԴՈՒ ԸՆՏՐՈՒԹՅՈՒՆ ՄՏՔԻ ՓՈԽԱՐԿՄԱՆ,

ՀԱՎԵՐԺ ԵՐԿՈՒՆՔԻ ՎԻՃԱԿ ՈՒ ՕՐՐԱՆ,

Օ ԲԵՐՐԻՈՒԹՅՈՒՆ ԿՅԱՆՔԻ ՓՈԽԱՆՑՄԱՆ,

ՀԱՐԱԶԱՏ ԾՆՈՂ, ՍՆՈՂ ԳԱՆՁԱՐԱՆ:

Link to post
Share on other sites

ՁՕՆ ՔԱՄՈՒՆ

ԱՐԵՎԻ ՇՆՉԻՑ ԱՐԱՐՎԱԾ ՇԱՐԺՈՒՄ,

ԼԵՌՆԵՐԻ ՍՐՏԻՑ ԲԽՈՂ ԶՈՐՈՒԹՅՈՒՆ,

ԷՈՒԹՅԱՆ ԳՐԿԻՆ ԻՋՆՈՂ ԶՈՎՈՒԹՅՈՒՆ,

ԲՆՈՒԹՅԱՆ ՀՈԳՈՒ ԲՈՎԱՆԴԱԿՈՒԹՅՈՒՆ:

ԴՈՒ ՓՈՓՈԽՈՒԹՅԱՆ, ՃԱԽՐԱՆՔԻ ՆԵՐՇՈՒՆՉ,

ԹԱՓԱՆՑՈՂՈՒԹՅԱՆ ԵՂԲԱՅՐ ՈԳԵՇՈՒՆՉ,

ԲՈՒՅՐԻ ՏԱՐԱԾՄԱՆ ՀՈՍԱՆՔ ԼԻԱՇՈՒՆՉ,

ՁԱՅՆԱԶԴԱՐԱՐՄԱՆ ԹՐԹԻՌ ՀԱՄԱՀՈՒՆՉ:

ՁՕՆ ՀՐԻՆ

Օ ԼՈՒՍԱԹՐԹԻՌ ՊԱՐԻ ՄԱՐՄՆԱՑՈՒՄ,

ՍԱՌԱԾ ՀՈՒՅԶԵՐԻ ԱՌՈՂՋ ՋԵՐՄԱՑՈՒՄ,

Օ ՀՈՒՍԱԲԱՄԲԻՌ ՍԻՐՈ ՏԱՐԱԾՈՒՄ,

ՄԱՐԱԾ ՈՒԺԵՐԻ ՎԵՐԱՈՂՋԱՑՈՒՄ:

Օ ՋԱՀ ՓԱՐՈՍԻ, ՄՏՔԻ ՈՒՂԵՑՈՒՅՑ,

ՍԽՐԱՆՔԻ ՄՂԻՉ, ՔԱՋՈՒԹՅԱՆ ՆԵՐՇՈՒՆՉ,

ՕՋԱԽ ԸՆՏԱՆԻ, ԻՄԱՍՏՈՒԹՅԱՆ ՈՒԺ,

ԴՈՒ ԿՅԱՆՔԻ ՓՐԿԻՉ, ԸՆԿԵՐ ՈԳԵՇՈՒՆՉ:

Link to post
Share on other sites
  • 2 weeks later...

ՁՕՆ ՋՐԻՆ

Օ ԼՈՒՍԱՂՈՂԱՆՋ ԾՓԱՆՔ ՄԱՔՐՈՒԹՅԱՆ,

ԱՆԴՈՐՐԻ ԱՂԲՅՈՒՐ, ԿՅԱՆՔԻ ՈՌՈԳՈՒՄ,

Օ ԲԱԶՄԱՃԱՃԱՆՉ ԲԵՐԿՐԱՆՔ ՀԱՅՐՈՒԹՅԱՆ,

ԲՆՈՒԹՅԱՆ ՀԱՄԲՈՒՅՐ , ՄՏՔԻ ՆՈՐՈԳՈՒՄ:

Օ ԳԱՐՈՒՆԱՎԵՏ ԿԱՐԿԱՉ ԱՌՎԱԿԻ,

ԿԵՆԱՐԱՐ ՍՆՈՒՆԴ, ՆԵՐԴԱՇՆԱԿ ՆԱԶԱՆՔ,

Օ ԲՈՒՐՈՒՄՆԱՎԵՏ ՑՈՂԻԿ ԾԱՂԻԿԻ,

ԾԱՐԱՎԻ ՀԱԳՈՒՐԴ, ԱՆՁՐԵՎ ԵՐԱԶԱՆՔ:

Link to post
Share on other sites

:flower:

Շնորհակալություն, Ձեր ծաղիկը պարտավորեցնող է: :flower:

ՁՕՆ ՑԵՂԻՆ

ՓԱ՜ՌՔ ՄԵՐ ՀԻՆ ՑԵՂԻՆ, ՄԵՐ ՆԱԽՆԻՆԵՐԻՆ,

ՆԱԽՆՅԱՑ ՀԱՎԱՏԻ ՀԻՆ ԱՍՏՎԱԾՆԵՐԻՆ,

ՄԵՐԺՎԱԾ ՈՒ ԴՐԺՎԱԾ, ԲԱՅՑ ՉՀՆԱՑԱԾ,

ԵՐԿՈՒՆՔ ՈՒ ԵՐԿԻՆՔ ԿՅԱՆՔՈՎ ՊԱՐՈՒՐԱԾ

ԲՆՈՒԹՅԱՆ ՇՈՒՆՉԸ ՓԱՌՔՈՎ ՈՂՈՂԱԾ,

ՀԱՎԵՐԺԻ ԿԱՄՈՒՐՋ ՄԵԶ ՀԱՆԴԻՍԱՑԱԾ,

ՓԱ՜ՌՔ ԱՐԱՐՈՒՄԻՆ, ՓԱ՜ՌՔ ՄԵՐ ԱՐԱՐՉԻՆ,

ԱՐԱՐՈՂ ԱԶԳԻ ԲԵՂՄՆԱՎՈՐԻՉԻՆ,

ՓԱ՜ՌՔ ԱՆԱՉԱՌԻՆ, ՓԱ՜ՌՔ ԱԶԳ ԱՐԴԱՐԻՆ,

ՎԵՐԱԾՆՈՒՆԴԻ ՄԵՐ ԱԶԴԱՐԱՐԻՆ

Link to post
Share on other sites

AYG իսկ ձոն կանանց մի՞թե չկա :)

ՁՕՆ ՑԵՂԻՆ :yes: :flower:

Խոշոր հաշվով "Ձօն Հողին "- ը կակնանց է վերաբերվում, բայց խոստանում եմ առանձնանշումով էլ գրել: :flower:

Այգ, ներեք, որ թեմայից դուրս հարց եմ տալիս, այն էլ այսքան անձնական.

որ քրիստոնեա չեք, հասկացա: Բայց մի՞թե հեթանոս եք:

Շնորհակալ եմ: :flower: Դուք ճիշտ եք, որ ես Հեթանոս էլ չեմ: Վստահ եմ գիտեք, որ աթեիստ էլ չեմ:

Տարակուսանքի պատճառը թերևս Աստվածներ բառի գործացումն է:

Իմ ընկալումով Աստված բառը նշանակում է Ազ, - այսինքն ծնունդ տված:

Բայց ոչ հասարակ ծնունդ, այլ Հոգևոր կատարելագործմանը ծառայող:

Եվ այդ բառը չեմ գործածում հեթանոսի երևակայական ներընկալումով, այն էլ հարևան և ոչ հարևան ժողովուրդների:

Իդեպ քրիստոնեաները նույն հեթանոս աստվածներին, նույն դերերով ու հատկանիշներով իրենց համար անվանում են հրեշտակներ: Իսկ այն միակը՝, որին քրիստոնեաները Աստված են անվանում, հեթանոսները անվանում են Արարիչ(որը նույպես մարմինն է արարել, և ոչ Ոգին, և պայմանավորված է իրենից Բարձր Սկզբունքով):

Իմ գործածականում Աստվածները մեր մարմին արարողներն էն, այսինքն մեր հեռավոր և մոտ Նախնիք:

Link to post
Share on other sites

AYG ջան,

Շատ լավ ձոներ են: Շնորհակալություն: :flower:

Իսկ Քրիստոնեության մասին, AYG ջան… խնդրում եմ մի քիչ զգույշ լինել այդպիսի պնդումների հարցում… Ահա թե ինչու.

Մի քանի տարի առաջ ես Մոսկվայում առիթ ունեցա շատ երկար զրուցելու Ամերիկայից եկած բողոքական մի եկեղեցու “միսիոների” հետ, որը շատ զարգացած անձ էր ու տարբեր ազգերի ներկայացուցիչների “բերում էր իր եկեղեցու գիրկը”: Նա զարմանալիօրեն լավատեղյակ էր Հայերի մասին, և ինձ այսպիսի մի բան պատմեց: Ինքն առիթ էր ունեցել Քրիստոնեության մասին խոսելու շատ-շատ մարդկանց հետ, այդ թվում` աթեիստների, Քրիստոնեությանը շատ բացասաբար վերաբերողների հետ և այլն (այդ թվում և այդպիսի հայերի հետ!): Ըստ նրա. հայերը, եթե նույնիսկ վստահ պնդում են, թե իրենք Քրիստոնյա չեն, շատ ավելի հեշտ են ընդունում իր [այդ քարոզիչի] հորդորները մի քանի զրույցից հետո: Շատ ավելի հեշտ էին ընդունում քան ռուսները, էլ չեմ ասում` թուրքերը, չեչեննեչը և այլն… Եվ այս ամերիկացի քարոզիչն ասում էր, որ “հայերի արյան մեջ արդեն իսկ Քրիստոնեություն կա!”: Նա կարդացել էր Հայոց պատմությունից մի քանի գործ, և ավելի էր համոզվել դրանում: Քրիստոնեությունը այնքան է մտած մեր մեջ, որ բակում խաղացող երեք տարեկան երեխաների վարքագծի մեջ էլ Քրիստոնեություն կա. կողքի թեմայում հետաքրքրի նյութ կար թուրք երեխաների հետ, որոնք խաղում էին հավի կտրված գլուխներով -- այնինչ ես հիշում եմ, որ իմ մանկության ընթացքում ես երբեք դրա առիթը չեմ ունեցել (նույնիսկ իմ պապենական գյուղում), քանի որ մեր մեծերը տնային կենդանիներ մորթելիս էնպես էին անում, որ գլուխները առանձնապես չերևան… Մի երկու անգամ եղել է հավի կտրված գլուխ եմ գտել մեր գյուղում, բայց թե’ մեծերի դրդմամբ, և թե’ մի ներքին նողկանքով դեն եմ նետել… Այսպիսի օրինակներ կարել է շատ բերել: Մի բան հստակ է. ամեն մի կրոն ոչ միայն դոգմաների մի համակարգ է (որը կարող եք մերժել, արհամարել կամ քննադատել ), այլ նաև` հոգեբանություն, քաղաքակրթություն, ավանդույթներ, մարդկանց միջև հարաբերությունների մոդելներ, լեզու, գրականություն, ճարտարապետություն, երեխաների` փողոցում խաղալու ձևը, ծերունիների` ձեռնափայտով քայլելու ոճը, շենքի պատի քարը քարին դնելու կարգը և այլն… Հայը կարող է հանկարծ հայտարարել, որ ինքը “Քրիստոնյա չէ”, ու Ամենաբարձրյալի ներկայությունը փնտրել ոչ թէ Եկեղեցում, այլ ուրիշ ուսմունքների մեջ (ընդհուպ մինչև կրիշնայիզմ-մրիշնայիզմ)… Սակայն դրանով Հայը հրաժարված կլինի իր մեջ դարերը ընթացքում կուտակված Քրիստոնեությամ միայն մեկ տոկոսից… AYG ջան, եթե Դուք ձեր մեջ որոշակի մղումներ եք զգում, ու դրանք Քրիստոնեական չեն թվում, ապա անպայման ականջալուր եղեք այդ մղումներին, չշտապելով սակայ դրանք ան-Քրիստոնեական համարել: Ամենազորի կամքը մենք չենք կարող գիտակցել, ինչպես կավը չի կարող գիտակցել բրուտի կամքը: Մեր սեփական մտքերին ու եզրակացություններին մենք չպետք է վերաբերվենք որպես վերջնական Ճշմարտության: Մասնավորապես, Ձեր կողմից մի քիչ անզգուշություն չ՞է արդյոք պնդելը, որ Ձեր Աստվածը տարբեր է Գրիգոր Նարեկացու կամ Կոմիտասի Աստծուց: Անզգուշություն չ՞է արդյոք Աստծո վերաբերյալ ընդհանրապես որևէ բան պնդելը…

Link to post
Share on other sites

Злая_Мудрость :flower: ,MiG-35 :flower: Շնորհակալ եմ ջերմ վերաբերմունքի համար:

Ես կկարողանայի իմ ներընկալման առումով շատ թյուրիմացություններ հանգիստ քողազերծել "կրոն" ի բաժնում, եթե այնտեղ չլիներ անհանդուրժողականության մթնոլորտ: Չնայած այդ անհանդուրժողությունն էլ հասկանալի, և նույնիսկ օրինաչափ է: Մարդկանց թվում է, որ եթե մարդ քրիստոնեա չէ, ուրեմն անպայման հակաքրիստոնեա է: Խնդրում եմ այս բառերս չնկալել Ձեր՝, իսկապես բարի խոսքերին հակընդեմ անարգանք, պարզապես հայտնեմ, որ քրիստոնեությունը որպես դավանանք՝, ինձ համար անդառնալի անցյալ է(ինչպես նաև հեթանոսությունը), որպես իմ պատմության մաս և հնագույն մշակույթի արժեքների կրող՝, անժխտելի:

Իմ ընդունած, - Նարեկացու, Շիրակացու, Կոմիտասի, Նժդեհի, Սևակի, ... Ֆիրդուսու, Ջալալ էդ Դին Ռումիի...., Լաո Ցզեի, ... Սոկրատեսի,Պղատոնի ... Գերագույն Էությունը մի է: Անսկիզբ ու Անվերջ, Ինքնիմաստ ու Հավերժ, Անճառ, Անանուն, Անթերի, Անպարփակ, Անտարր, Գերբովանդակ....:

Շարունակեմ ըստ էության:

Հայ Առյուծուհուն Խոստացածս(էքսպրոմտ)

Ձօն Հայուհուն

Պատվարժան առաքինության,

Նազանք Սիգաճեմ

Արժանապատիվ հեզության

Բերկրանք լուսնադեմ

Դու Ցոլանք Եթերի

Եւ շիկնանք այտերի

Արգասաբեր ու բերրի,

Վայելչագեղ դու Փերի:

Link to post
Share on other sites

Շարունակեմ ըստ էության:

Հայ Առյուծուհուն Խոստացածս(էքսպրոմտ)

Ձօն Հայուհուն

.....

Շնորհակալություն :)

Կարճ ,կոնկրետ, ճիշտ ու գեղեցիկ ...շատ լավն է :flower:

(ինչ լավ է, որ ֆորումում կան մարդիկ , որոնք գովերգում են հայուհիներին ...ոչ թե ...)

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...